بی جے پی اور اے بی وی پی کی مختلف ریاستوں میں مزید ریلیوں کی تیاری، اسمرتی ایرانی کولکاتا میں پریس کانفرنس سے خطاب کریں گی

بی جے پی اور اکھل بھارتیہ ودیارتھی پریشد (اے بی وی پی) منگل کے روز کئی ریاستوں میں ریلیاں اور احتجاجی مارچ منعقد کریں گی۔ یہ اپوزیشن کی ”ووٹ چوری“ مہم کے جواب میں جوابی کارروائی کا حصہ ہے۔ کولکاتا میں اسمرتی ایرانی ایک پریس کانفرنس سے خطاب کریں گی۔

یہ تمام پروگرام ”لوکتنتر بچاو¿، انارکی ہٹاو¿“ مہم کے تحت منعقد کیے جا رہے ہیں۔ اس مہم کے ذریعے بی جے پی نے اپوزیشن پر جمہوری اداروں کو کمزور کرنے اور بدامنی پھیلانے کا الزام عائد کیا ہے۔

مرکزی وزیر زراعت شیوراج سنگھ چوہان دوپہر 12:30 بجے لکھنو¿ کے لوک بھون میں ایک عوامی جلسے سے خطاب کریں گے۔ اس کے بعد دوپہر 1:30 بجے پریورتن چوک تک مارچ نکالا جائے گا۔

مرکزی وزیر صحت جے پی نڈا بریلی میں ایک ریلی میں شرکت کریں گے، جبکہ اتراکھنڈ کے ادھم سنگھ نگر ضلع کے رودرپور میں بھی ایک دوسری ریلی منعقد ہوگی۔ بی جے پی کی قومی جنرل سکریٹری اسمرتی ایرانی کی پریس کانفرنس ان کے دور? بنگال کا حصہ ہوگی۔

رانچی میں اے بی وی پی باپو واٹیکا سے البرٹ ایکّا چوک تک ”جمہوریت بچاو¿“ احتجاجی مارچ نکالے گی۔

یہ مہم ایسے وقت میں چلائی جا رہی ہے جب انتخابی بے ضابطگیوں اور ووٹر لسٹوں پر نظرثانی کے الزامات کو لے کر بی جے پی اور اپوزیشن جماعتوں کے درمیان تصادم جاری ہے۔

اتوار کے روز دہلی کے رام لیلا میدان میں منعقدہ ریلی میں انڈیا اتحاد کے رہنماو¿ں نے بی جے پی کو اقتدار سے ہٹانے کا مطالبہ کیا تھا۔ ان کا الزام تھا کہ بی جے پی نے ”چوری شدہ“ عوامی مینڈیٹ کے ذریعے مرکز اور ریاستوں میں حکومتیں تشکیل دی ہیں۔

کانگریس رہنما راہل گاندھی نے دعویٰ کیا کہ مستقبل میں چیف الیکشن کمشنر گیانیش کمار کو عہدے سے ہٹا کر ”غداری“ کے الزام میں جیل بھیجا جائے گا۔ انہوں نے یہ بھی کہا کہ وزیر اعظم نریندر مودی اور مرکزی وزیر داخلہ امت شاہ کو ”ووٹ چوری“ کے الزامات پر قانونی کارروائی سے بچنے نہیں دیا جائے گا۔