ایم آئی ایم کے رہنے اور نہ رہنے سے ہمیں کوئی فرق نہیں پڑے گا: ہمایون کبیر

مرکزی وزیر داخلہ امیت شاہ کی جانب سے جاری کردہ بی جے پی کے منشور (سنکلپ پتر) اور مبینہ ‘ڈیل’ والی ویڈیو کے وائرل ہونے کے بعد پیدا ہونے والی صورتحال پر ہمایوں کبیر نے کھل کر اپنا موقف پیش کیا ہے۔ اسد الدین اویسی کی پارٹی (AIMIM) کی جانب سے اتحاد ختم کیے جانے کے فیصلے کو انہوں نے غیر اہم قرار دے دیا ہے۔ہمایوں کبیر نے کہا کہ می?م (AIMIM) کے فیصلے سے ان کی پارٹی کو کوئی نقصان نہیں پہنچے گا۔ انہوں نے واضح کیا کہ می?م کے لیڈر ان کے جلسوں میں صرف "مہمان” کے طور پر آئے تھے اور انہوں نے کبھی بنگال میں می?م کے وجود پر انحصار نہیں کیا۔ انہوں نے کہا، "میں نے کسی کے بھروسے پر اپنی پارٹی شروع نہیں کی تھی۔”ہمایوں کبیر نے دوبارہ دعویٰ کیا کہ یہ ویڈیو AI (مصنوعی ذہانت) کے ذریعے بنائی گئی ہے تاکہ انہیں بدنام کیا جا سکے۔ انہوں نے ویڈیو کی ٹائمنگ پر سوال اٹھاتے ہوئے کہا کہ اگر یہ ویڈیو پرانی تھی تو پارٹی کی رجسٹریشن کے وقت کیوں سامنے نہیں لائی گئی؟انہوں نے الزام لگایا کہ یہ ویڈیو ایک ایسے یوٹیوب چینل پر اپ لوڈ کی گئی جو محض چند دن پہلے (8 اپریل کو) بنایا گیا تھا۔ ان کا کہنا ہے کہ ان کے پاس ایسی سازشوں کے پیچھے بھاگنے کا وقت نہیں ہے۔

ایم آئی ایم نے الزام لگایا تھا کہ ہمایوں کبیر نے مسلمانوں کی "اخلاقیات” اور "جذبات” کے ساتھ کھلواڑ کیا ہے، جبکہ ہمایوں کبیر ان تمام الزامات کو بے بنیاد قرار دے رہے ہیں۔ہمایوں کبیر نے پہلے ہی اس معاملے پر ہتکِ عزت کا مقدمہ دائر کرنے کا انتباہ دیا ہے۔ دوسری طرف، می?م کی جانب سے اتحاد ختم کیے جانے کے بعد اب وہ 2026 کے انتخابات میں تنہا میدان میں اترنے کی تیاری کر رہے ہیں۔