کالی گھاٹ میں ترنمول کانگریس کے گھر پر ای ڈی کا چھاپہ

اب کالی گھاٹ کے ایک ترنمول لیڈر کے گھر انکم ٹیکس ڈپارٹمنٹ نے چھاپہ مارا ہے۔ جمعہ کی صبح سے انکم ٹیکس حکام کالی گھاٹ میں گریک چرچ کے قریب کمار ساہا کے گھر کی تلاشی لے رہے ہیں۔ پیشے سے تاجر کمار علاقے میں ترنمول لیڈر کے طور پر بھی جانے جاتے ہیں۔ ابتدائی طور پر یہ واضح نہیں ہو سکا کہ ان کے گھر پر انکم ٹیکس کا چھاپہ کس وجہ سے مارا گیا ہے۔ کمار کے گھر کے باہر مرکزی فورسز کے اہلکار تعینات ہیں، جبکہ وہاں ترنمول کے کارکن اور حامی بھی جمع ہو گئے ہیں جنہوں نے اس کارروائی کی وجہ پر سوال اٹھاتے ہوئے احتجاج شروع کر دیا ہے۔
اس سے قبل جمعہ کی صبح راس بہاری کے سبکدوش ہونے والے ایم ایل اے اور ترنمول امیدوار دیباشیش کمار کے گھر بھی انکم ٹیکس نے چھاپہ مارا تھا۔ ایم ایل اے کی منوہر پوکر روڈ پر واقع رہائش گاہ کے ساتھ ساتھ ان کے انتخابی دفتر کی بھی تلاشی لی گئی۔ اسی علاقے کے قریب موتی لال نہرو روڈ پر دیباشیش کا ایک پارٹی آفس ہے، وہاں بھی انکم ٹیکس حکام پہنچے۔ اس تلاشی کے دوران ہی معلوم ہوا کہ کالی گھاٹ میں بھی انکم ٹیکس کی ایک ٹیم نے تلاشی شروع کر دی ہے۔