امیت شاہ کے قافلے کے ساتھ بائک ریلی نکالنے کی تیاری 

امت شاہ کے آنے والے دورہ کولکاتہ کے حوالے سے مغربی بنگال بی جے پی نے ایک منفرد منصوبہ بندی کی ہے۔مرکزی وزیر داخلہ کے قافلے کے ساتھ ایک بڑی بائیک ریلی نکالنے کی تیاری کی جا رہی ہے۔ امت شاہ 29 دسمبر کی رات کولکاتہ پہنچیں گے اور 30 ویں اور 31 دسمبر کو تنظیمی میٹنگیں کریں گے۔بی جے پی یووا مورچہ (نوجوانوں کا ونگ) اس بائیک ریلی کی قیادت کرے گا۔ کولکاتہ، ہاو¿ڑہ، ہوغلی اور دونوں 24 پرگنہ کے 10 اضلاع کو اس کی ذمہ داری دی گئی ہے۔ہر ضلع کو 500 بائیکس لانے کا ہدف دیا گیا ہے، جس کا مطلب ہے کہ تقریباً 4000 سے 5000 بائیکس امت شاہ کے قافلے کے آگے پیچھے موجود ہوں گی۔ اگر ریلی 29 دسمبر کی رات کو ہوتی ہے، تو یہ کولکاتہ ایئرپورٹ سے شروع ہو کر نیو ٹاو¿ن تک جائے گی، جہاں شاہ قیام کریں گے۔ اگر ریلی 30 دسمبر کی صبح ہوتی ہے، تو یہ نیو ٹاو¿ن سے شروع ہو کر ہلدیرام موڑ، وی آئی پی روڈ، الٹا ڈانگا، اور ای ایم بائی پاس سے ہوتی ہوئی سالٹ لیک سیکٹر فائیو (بی جے پی دفتر) تک جائے گی۔

بی جے پی ذرائع کا کہنا ہے کہ چونکہ اس دورے میں کوئی عوامی جلسہ یا بڑی ریلی نہیں ہے اور تمام میٹنگیں بند کمرے میں ہوں گی، اس لیے اس بائیک ریلی کے ذریعے عوامی رابطہ اور اپنی طاقت کا مظاہرہ (Power Show) کرنے کا فیصلہ کیا گیا ہے۔سیکٹر فائیو کے علاقے میں سڑکیں تنگ ہونے کی وجہ سے ہزاروں بائیکس کے داخلے پر تشویش ہے۔ خدشہ ہے کہ وہاں پولیس دفتر اور بی جے پی دفتر کے سامنے گاڑیوں کی پہلے سے موجود بھیڑ کی وجہ سے ٹریفک کا مسئلہ پیدا ہو سکتا ہے۔ اس لیے منصوبہ ہے کہ بائیک ریلی گلی کے موڑ تک جائے گی اور وہاں سے قافلہ دفتر کے اندر داخل ہو جائے گا جبکہ بائیکس سیدھی نکل جائیں گی۔فی الحال مرکزی وزارت داخلہ سے حتمی شیڈول کا انتظار ہے، جس کے بعد اس منصوبے کو آخری شکل دی جائے گی۔