ایم ایل اے منیرالاسلام کے خلاف کارروائی کا امکان

کولکاتا24جنوری :فراکا میں بی ڈی او (BDO) آفس میں ہنگامہ آرائی کے واقعے پر الیکشن کمیشن نے جمعرات کی شام پانچ بجے تک ایف آئی آر درج کرنے کا حکم دیا تھا۔ ضلع مجسٹریٹ کو دی گئی الیکشن کمیشن کی وہ ڈیڈ لائن گزر چکی ہے، لیکن اس کے باوجود حکمران جماعت کے ایم ایل اے منیرالاسلام کے خلاف ایف آئی آر درج نہیں ہوئی۔ وہ بڑے اطمینان سے گھوم رہے ہیں، بلکہ اس کے برعکس وہ خود الیکشن کمیشن کے خلاف ایف آئی آر درج کرانے کی دھمکی دے رہے ہیں۔ ان کا کہنا ہے کہ ایس آئی آر (SIR) کے ماحول میں کئی لوگوں کی موت ہوئی ہے اور کئی نے خودکشی کی ہے، اس لیے اجتماعی ایف آئی آر ہونی چاہیے۔