سرکاری ملازمین کے گھروں میںا سمارٹ میٹر لگانا لازمی

ریاستی سرکاری ملازمین اور سرکاری امداد یافتہ مختلف اداروں کے ملازمین کے رہائشی گھروں میں ڈومیسٹک سمارٹ الیکٹرک میٹر لگانا لازمی کر دیا گیا ہے۔ اس سلسلے میں نوابان کی طرف سے ایک نوٹیفکیشن جاری کیا گیا ہے۔ جس میں بتایا گیا ہے کہ تمام ریاستی سرکاری ملازمین، نیم سرکاری اداروں، ریاستی سرکاری کارپوریشنوں، انڈرٹیکنگز اور دیگر تمام اداروں کے ملازمین کے گھروں میں یہ سمارٹ میٹر لگائے جائیں گے، جن کی تنخواہ، معاوضہ یا اعزازیہ براہ راست ریاستی خزانے سے دیا جاتا ہے، وہ اس کے دائرے میں آئیں گے۔ اس سلسلے میں تمام شعبوں کے سربراہان، ریاستی پولیس کے ڈی جی اور آئی جی پی، تمام ڈویڑنل کمشنرز، کولکتہ پولیس کے کمشنر اور تمام ضلعی مجسٹریٹس کو ضروری اقدامات کرنے کی ہدایت دی گئی ہے۔
نوٹیفکیشن کے مطابق، ویسٹ بنگال اسٹیٹ الیکٹریسٹی ڈسٹری بیوشن کمپنی نے اپنے کل 554 کسٹمر کیئر سینٹرز میں سے ابتدائی طور پر 103 سینٹرز کو اس کام کے لیے منتخب کیا ہے۔ ان 103 کسٹمر کیئر سینٹرز کے تحت آنے والے علاقوں میں بجلی کی تقسیم میں نقصان کی مقدار بہت زیادہ ہے، جو ریاستی خزانے پر اضافی مالی بوجھ ڈال رہی ہے۔ ان علاقوں میں کام مکمل ہونے کے بعد مرحلہ وار باقی کسٹمر کیئر سینٹرز کے تحت آنے والے علاقوں میں بھی سمارٹ میٹر لگانے کا کام شروع کیا جائے گا۔