کام پر جاتے ہوئے دو لاریاں سامنے سے ٹکرا گئیں! 3 مزدوروں کی موت

صبح سویرے کام پر جاتے ہوئے المناک حادثہ۔ دو لاریوں کے آمنے سامنے تصادم میں 3 افراد ہلاک۔ کم از کم 12 مزدور زخمی ہوئے ہیں۔ اس واقعے کے بعد شمالی دیناج پور کے اٹاہارے کی 12 نمبر قومی شاہراہ کے بالیا پاڑہ علاقے میں شدید ہنگامہ پھیل گیا ہے۔ پولیس مقتولین اور زخمیوں کے اہل خانہ سے رابطہ کر رہی ہے۔
معلوم ہوا ہے کہ درگا پور پنچایت کے سادا پور، چاندل سمیت پانچ گاو¿ں کے کم از کم تیس مزدور جمعہ کی صبح بھی ہر روز کی طرح لاری کے ذریعے بالیا پاڑہ میں کام کرنے جا رہے تھے۔ لیبر بازار کے قریب یہ خوفناک حادثہ پیش آیا۔ مخالف سمت سے آنے والی ایک 10 پہیوں والی لاری نے مزدوروں کی لاری کو آمنے سامنے ٹکر ماری۔ لاری ب±ری طرح بکھر گئی۔ مسافر 12 نمبر قومی شاہراہ پر گر پڑے۔ ایک خاتون مزدور کی موقع پر ہی موت ہو گئی۔ مقامی باشندوں نے فوری طور پر امدادی کام شروع کیا۔ تھانے کو اطلاع دی گئی۔ پولیس اور مقامی افراد کی کوششوں سے زخمیوں کو نکال کر ہسپتال لے جایا گیا۔

تاہم زخمیوں کو اٹاہارے بلاک ہسپتال لے جاتے ہوئے راستے میں ایک اور کی موت ہو گئی۔ بعد میں رائے گنج میڈیکل ہسپتال ریفر کرتے وقت ایک اور مزدور کی موت ہو گئی۔ ہلاک شدگان کے نام: چیپو برمن (45)، کلکا مارڈی (42) اور ٹیپو مارڈی (36)۔ پولیس کی طرف سے بتایا گیا کہ قاتل لاری کو تو پکڑ لیا گیا، لیکن ڈرائیور فرار ہے۔ پولیس جانچ کر رہی ہے کہ لاری میں کوئی مکینیکل خرابی تھی یا نہیں اور ڈرائیور نشے میں تھا یا نہیں۔ مقتول اور زخمی مزدوروں کے اہل خانہ سے رابطہ کرنے کی کوشش کی جا رہی ہے۔ حادثے کے بارے میں رائے گنج کے پولیس سپرنٹنڈنٹ سوناوانے کلدیپ سریش نے کہا: "مقتولین کے اہل خانہ سے رابطہ کیا جا رہا ہے۔ واقعے کی جانچ کے لیے تحقیقات شروع کر دی گئی ہیں۔