فون اپ ڈیٹ کرتے ہی ہزاروں روپے غائب! بردوان کے نوجوان کے ساتھ انوکھے سائبر فراڈ کا واقعہ

ڈیجیٹل دور میں سائبر فراڈ کے واقعات میں مسلسل اضافہ ہو رہا ہے، جو تفتیشی اداروں کے لیے بھی تشویش کا باعث بنتا جا رہا ہے۔ اسی دوران مشرقی بردوان کے ایک نوجوان کے ساتھ ایک غیر معمولی نوعیت کا سائبر فراڈ پیش آیا۔ اس کا دعویٰ ہے کہ اچانک اس کے اسمارٹ فون نے خود ہی اپ ڈیٹ ہونا شروع کر دیا۔ اس کے بعد کچھ دیر تک فون بند رہا۔ لیکن فون دوبارہ کھولنے پر معلوم ہوا کہ اس کے بینک اکاو¿نٹ سے تقریباً ایک لاکھ روپے غائب ہو چکے ہیں! کسی نے اس کے اکاو¿نٹ سے رقم نکال لی تھی۔
نوجوان کا کہنا ہے کہ اس نے کسی کو بھی او ٹی پی شیئر نہیں کیا تھا۔ اس کے باوجود اکاو¿نٹ سے رقم کیسے نکالی گئی، یہ وہ سمجھ نہیں پا رہا ہے۔ اس نے پہلے ہی ضلع پولیس کے سائبر کرائم شعبے میں تحریری شکایت درج کرائی ہے۔ شکایت کی بنیاد پر تحقیقات شروع کر دی گئی ہیں۔
مشرقی بردوان ضلع کے بھاتار تھانے کے بھومشور گاو¿ں کے رہنے والے شخص کا نام شیخ راجیش ہے۔ اسی علاقے کے ایک نجی بینک میں اس کا اکاو¿نٹ ہے۔ راجیش نے بتایا کہ گزشتہ ہفتے ہفتہ کے روز اس نے دیکھا کہ اس کا اسمارٹ فون خود ہی اپ ڈیٹ ہونا شروع ہوگیا۔ اتوار کو وہ ذاتی کام سے کولکاتا گیا تھا۔ اسی دوران یہ واقعہ پیش آیا۔
بھومشور گاو¿ں کے رہنے والے شیخ راجیش نے بتایا، ”اتوار کو کولکاتا سے واپس آتے وقت تقریباً چار بجے میرا فون دوبارہ اپ ڈیٹ ہونا شروع ہوگیا۔ تقریباً 20 منٹ تک فون بند رہا۔ اس کے بعد اپ ڈیٹ مکمل ہوتے ہی مجھے ایک میسج ملا۔ تب معلوم ہوا کہ میرے بینک اکاو¿نٹ سے 99 ہزار روپے نکال لیے گئے ہیں۔“