مولانا ابوالکلام آزاد کا یومِ پیدائش منایا گیا، ریٹائرڈ ہیڈ ماسٹر حیدر علی کا شاندار استقبال

مولانا ابوالکلام آزاد کا یومِ پیدائش منایا گیا، ریٹائرڈ ہیڈ ماسٹر حیدر علی کا شاندار استقبال

مولانا ابوالکلام آزاد، ہندوستان کے پہلے وزیرِ تعلیم، کے یومِ پیدائش کے موقع پر آج ڈریم اسٹڈی لائبریری، 10/5 ڈاکٹر ایچ۔ کے۔ چٹرجی اسٹریٹ، ریحان میرج ہال کے قریب، ایک خصوصی تقریب کا انعقاد کیا گیا۔
اس موقع پر ٹی۔ ایچ۔ اردو میموریل ہائی اسکول کے سابق ہیڈ ماسٹر جناب حیدر علی صاحب کو ان کی سبکدوشی کے بعد اعزاز سے نوازا گیا۔ واضح رہے کہ حیدر علی صاحب 31 اکتوبر 2026 کو اپنے عہدے سے ریٹائر ہوئے تھے۔
ان کے شاگرد جناب شاہد صفی، جو ہاو¿ڑہ کورٹ میں وکیل ہیں اور بھوت باغان پرائمری اسکول میں استاد بھی ہیں، نے اپنے محترم استاد جناب حیدر علی صاحب کا استقبال کیا اور انہیں پھولوں کا گلدستہ پیش کرکے عزت و احترام کے ساتھ نوازا۔
اس موقع پر جناب امتیاز بھارتی (سنکلپ ٹوڈے)، جناب سیف شہزادہ اور جناب بدرالدجی انصاری نے بھی حیدر علی صاحب کو تحائف پیش کیے۔
تقریب سے خطاب کرتے ہوئے مقررین نے کہا کہ حیدر علی صاحب نہ صرف ایک بہترین ہیڈ ماسٹر ہیں بلکہ ایک نہایت نیک دل اور بااخلاق انسان بھی ہیں۔ گھسڑی، بھوٹ بگان اور دیگر علاقوں میں آج بھی ان کے بے شمار شاگرد موجود ہیں، جو ان کی تعلیم و تربیت اور شفقت کو قدر کی نگاہ سے دیکھتے ہیں۔
اس پروگرام میں مہمانِ خصوصی کی حیثیت سے کلکتہ لا کالج کے اسسٹنٹ پروفیسر جناب پرتیک پرساد شریک ہوئے۔ اس کے علاوہ جناب جاوید اختر، جناب شہزادہ انصاری، جناب راجہ انصاری، جناب ذاکر انصاری سمیت کئی معزز شخصیات بھی موجود تھیں۔تقریب میں استاد اور شاگرد کے درمیان احترام، محبت اور تعلق کی خوبصورت مثال دیکھنے کو ملی۔

Back to top button
Translate »