ابھیشیک بنرجی نے’ باروئی پور سے انتخابی مہم کا آغاز کیا

کولکاتا2جنوری : چھبیس کے انتخابات (مغربی بنگال اسمبلی انتخابات 2026) کو نشانہ بناتے ہوئے ترنمول کے کل ہند جنرل سکریٹری ابھیشیک بنرجی نے ایک ماہ طویل ‘آبار جیتبے بنگلہ’ (بنگال دوبارہ جیتے گا) مہم کا آغاز کر دیا ہے۔ جمعہ کو باروئی پور میں انہوں نے پہلی ‘رن سنکلپ سبھا’ کی۔ مضبوط گڑھ کے طور پر مشہور باروئی پور سے ہی مہم کا آغاز کیوں؟ رن سنکلپ سبھا کے اسٹیج سے ابھیشیک نے اسی کی وجہ بتائی۔ انہوں نے کارکنوں کے لیے ہدف مقرر کرتے ہوئے کہا کہ جنوبی 24 پرگنہ کی تمام 31 نشستوں پر جیت حاصل کرنی ہوگی۔

جمعہ کی دوپہر باروئی پور کے ساگر سنگھ میدان میں ابھیشیک بنرجی نے پہلی ‘رن سنکلپ سبھا’ کی۔ اس جلسے میں ڈائمنڈ ہاربر، جادھو پور اور سندر بن تنظیمی اضلاع کے لیڈر اور کارکنان موجود تھے۔ اسٹیج پر آتے ہی ابھیشیک نے گھٹنوں کے بل بیٹھ کر سر جھکا کر عوام کو سلام کیا۔ انہیں دیکھ کر عوام جوش و خروش سے پھٹ پڑے۔ اپنی تقریر کے آغاز میں ابھیشیک نے کہا، "میں پورے مہینے ریاست بھر میں گھوموں گا۔ میں گھر گھر جاو¿ں گا تاکہ ایس آئی آر (SIR) میں کسی کو کوئی پریشانی نہ ہو۔” اس کے بعد انہوں نے کہا کہ باروئی پور ترنمول کا مضبوط گڑھ مانا جاتا ہے، تو پھر مہم کا آغاز یہاں سے کیوں کیا گیا، بہت سے لوگوں نے ان سے یہ سوال پوچھا ہے۔ انہوں نے خود ہی اس کا جواب دیا۔