چوتھی منزل سے چھلانگ، طالب علم کی اچانک خودکشی

پورولیا15جنوری : ایک کثیر المنزلہ عمارت (فلیٹ) سے چھلانگ لگا کر ایک طالب علم نے خودکشی کر لی۔ یہ واقعہ پورولیا شہر کے وارڈ نمبر 23 کے آمڈیہا علاقے میں پیش آیا۔ متوفی طالب علم کا نام پریتم سرکار (17 سال) ہے، جو پورولیا شہر کے وارڈ نمبر 9 کے کیتیکا علاقے کا رہائشی تھا۔ معلومات کے مطابق، وہ پورولیا ضلع اسکول میں بارہویں جماعت کا طالب علم تھا۔

اہل خانہ کے مطابق، پریتم آج صبح موٹر سائیکل لے کر گھر سے نکلا تھا۔ وہ اس علاقے میں ٹیوشن پڑھتا تھا۔ چونکہ یہ اس کی جانی پہچانی جگہ تھی، اس لیے وہ علاقے کی اس کثیر المنزلہ عمارت میں داخل ہو گیا اور سیدھا چوتھی منزل کی چھت پر چلا گیا، جہاں سے اس نے چھلانگ لگا کر اپنی زندگی کا خاتمہ کر لیا۔ مقامی لوگوں نے اسے خون میں لت پت دیکھ کر فوری طور پر پولیس کو اطلاع دی۔

پولیس نے مقامی لوگوں کی مدد سے اسے بچا کر پورولیا دیوین مہتو گورنمنٹ میڈیکل کالج اور اسپتال پہنچایا، جہاں ڈاکٹروں نے اسے مردہ قرار دے دیا۔ کوئی بھی اس بات کو تسلیم کرنے کو تیار نہیں کہ اس ذہین طالب علم نے اس طرح اپنی زندگی کیوں ختم کر لی۔ متوفی طالب علم کے والد ایک استاد ہیں۔ پولیس پورے معاملے کی تحقیقات کر رہی ہے۔ فلیٹ کے سیکورٹی گارڈ منگل داس نے بتایا، "میں نے ایک زوردار آواز سنی تھی۔ آواز سنتے ہی میں بھاگا اور دیکھا کہ لڑکا خون میں لت پت پڑا ہے، اس کا کافی خون بہہ چکا تھا۔