انگلش بازار میں ایس آئی آر کی سماعت کے دوران زبردست ہنگامہ آرائی

مالدہ 2فروری : سماعت کے مرکز میں داخلے کو لے کر کانگریس اور ترنمول کانگریس کے حامیوں کے درمیان مار پیٹ ہوئی، جس سے پورا علاقہ میدانِ جنگ بن گیا۔ الزام ہے کہ کانگریس کے ایک پنچایت ممبر کو بے رحمی سے زدوکوب کیا گیا اور ان کے کپڑے تک پھاڑ دیے گئے۔مرکز کے گیٹ بند کر دیے گئے تھے، جنہیں زبردستی کھول کر اندر داخل ہونے کی کوشش کی گئی۔ اس دوران یہ سوال بھی اٹھا کہ سماعت کے مرکز پر پولیس کی تعیناتی ہونی چاہیے تھی، لیکن یہاں پولیس کی کوئی خاص مستعدی نظر نہیں آئی۔سماعت کے لیے آنے والے ایک ووٹر نے بتایا، "یہاں کسی سسٹم پر عمل نہیں کیا جا رہا۔ دو سے تین لوگ مرتے مرتے بچے ہیں۔ ایک شخص ہسپتال میں داخل ہے اور ایک خاتون بے ہوش ہو گئیں جنہیں ہوش میں لانے کے لیے پانی ڈالا جا رہا ہے۔” ووٹروں نے پولیس پر غیر فعال ہونے کا الزام لگایا اور کہا کہ پولیس کے سامنے ہی دونوں فریق دست و گریباں ہوئے۔واقعے کی وجہ یہ بتائی جا رہی ہے کہ لائن کا کوئی صحیح انتظام نہیں تھا اور لوگ اپنی مرضی سے کھڑے ہو گئے تھے، جس کے باعث بھگدڑ مچی اور صورتحال کشیدہ ہو گئی۔ دوسری طرف، اس افراتفری پر سیاسی رنگ چڑھاتے ہوئے ترنمول کے ترجمان اروپ چکرورتی نے کہا، "کانگریس اتنے دنوں سے کہاں تھی؟ وہاں تو بی جے پی کا ایم ایل اے ہے۔