شوبھندو ممبئی میں برکس سمٹ کے دوران مکیش امبانی سے ملاقات کریں گے

بنگال کے وزیر اعلیٰشوویندو ادھیکاری نے کہا کہ وہ ہفتہ کو دہلی میں برکس سمٹ کے دوران ایک عشائیے میں شرکت کر سکتے ہیں، اور ممبئی میں ریلیانس انڈسٹریز کے چیئرمین مکیش امبانی سے بھی ملاقات کر سکتے ہیں، کیونکہ ریاست میں بڑی سرمایہ کاری کو راغب کرنے کی کوششیں جاری ہیں۔

ادھیکاری نے کہا کہ وہ 24 ستمبر کو کولکتہ کے قریب نیو ٹاو¿ن کے علاقے میں ادانی گروپ کے مجوزہ 2000 بستروں کے ہسپتال کی سنگ بنیاد رکھنے کی تقریب میں بھی شرکت کریں گے، جس میں گروپ کے چیئرمین گوتم ادانی کی بھی شرکت متوقع ہے۔

18ویں برکس سمٹ 12 اور 13 ستمبر کو نئی دہلی میں منعقد ہو رہی ہے، جس میں برازیل، روس، بھارت، چین اور جنوبی افریقہ کے گروپ کی میٹنگ کی میزبانی بھارت کر رہا ہے۔

اپنے مجوزہ ممبئی دورے کے بارے میں، ادھیکاری نے یہاں ایک تقریب میں کہا کہ وہ مکیش امبانی سے ملیں گے اور یہ کہ ریاست مغربی بنگال کی ترقی میں بڑے کارپوریٹ گروپوں کی زیادہ شرکت چاہتی ہے۔

انہوں نے کہا کہ مکیش امبانی کے بیٹے اننت امبانی نے انہیں فون کر کے خاندان کی گنیش پوجا کی تقریبات میں شرکت کی دعوت دی تھی۔وزیر اعلیٰ نے یہ بھی کہا کہ ان کی حکومت ضلع پوربا میدنی پور کے جنپوت میں ایک دفاعی منصوبے کے قیام کے لیے کام کر رہی ہے۔انہوں نے کہا کہ دفاعی تحقیق و ترقیاتی تنظیم (ڈی آر ڈی او) نے اس منصوبے کے حوالے سے سابقہ ٹی ایم سی حکومت کو خط بھیجا تھا، لیکن کوئی جواب موصول نہیں ہوا۔”ہم نے اس خط کا جواب دے دیا ہے،” انہوں نے کہا۔تاہم، ادھیکاری نے مجوزہ منصوبے کی مزید تفصیلات نہیں بتائیں۔دستیاب معلومات کے مطابق، ڈی آر ڈی او جنپوت میں ملک کے ہتھیاروں کے نظام کی جانچ کے لیے ایک مرکز قائم کرنے کا منصوبہ رکھتی ہے۔