بنگال سے راجیو، بابول اور دیگر کا راجیہ سبھا میں بنگالی زبان میں حلف، راہول سنہا کی نئی اننگز کا آغاز

پیر کے روز بنگال سے تعلق رکھنے والے پانچ اراکینِ پارلیمان نے راجیہ سبھا کے رکن کے طور پر حلف اٹھایا۔ سابق پولیس افسر راجیو کمار، وکیل مینکا گرو سوامی، اداکارہ کوئل ملک، گلوکار و سابق وزیر بابول سپریو اور بی جے پی لیڈر وشوجیت سنہا (راہول سنہا) نے آج راجیہ سبھا کے رکن کے طور پر حلف لیا۔ راہول سنہا نے راجیہ سبھا کے رکن کی حیثیت سے سیاست میں ایک نئی اننگز کا آغاز کیا ہے۔ راجیو، بابول، کوئل اور راہول نے آج بنگالی زبان میں حلف اٹھایا۔ انہیں ملک کے نائب صدر اور راجیہ سبھا کے چیئرمین سی پی رادھا کرشنن نے حلف دلایا۔