آزادانہ اور پرامن انتخابات کے لئے پولس نے ہر تھانہ علاقہ کے دس بد معاشوں کی فہرست تیار کر لی

آزادانہ اور پرامن ووٹنگ کو یقینی بنانے کے لیے کولکاتہ پولیس نے اس بار ایک نیا قدم اٹھایا ہے۔ ہر تھانہ علاقے میں گڑبڑ کرنے والے 10 افراد کی نشاندہی کر کے ان ‘ممکنہ شرپسندوں’ (پولیس کی اصطلاح میں — ‘موسٹ نٹوریس ٹربل منگرز’) کی فہرست تیار کی جا رہی ہے۔

کولکاتہ پولیس کے ایک ذرائع کے مطابق، ہر تھانہ علاقہ سے 10 ’انتہائی بدنام شرپسندوں‘ کی فہرست بھیجنے کی ہدایت متعلقہ ڈی سی (ڈپٹی کمشنرز) کو پہلے ہی بھیج دی گئی ہے۔ ڈی سی کی جانب سے اس سلسلے میں تھانہ سطح پر پیغام بھی پہنچ گیا ہے۔ مشتبہ افراد پر نظر رکھنے اور ضرورت پڑنے پر قانونی کارروائی کی تیاریاں بھی کی جا رہی ہیں۔ پولیس ذرائع کا کہنا ہے کہ یہ فہرست پیر کی رات تک تیار کرنے کی ہدایت دی گئی ہے۔