شدید گرمی میں بجلی کے بل کو لے کر شوبھندو ادھیکاری فکر مند

شدید گرمی میں بجلی کا بل کم کرنے کے لیے اب راہ بتا دی وزیرِ اعلیٰ شوبھندو ادھیکاری نے۔ شہر یا نواحی علاقوں میں بجلی کا خرچ دیگر ریاستوں کے مقابلے میں کہیں زیادہ ہے۔ سابقہ ترنمول حکومت کے دور میں اس معاملے پر کئی بار احتجاج بھی ہوا۔ لیکن متبادل راستہ نہ نکل سکا۔ نتیجتاً وقت کے ساتھ عوام پر مالی بوجھ بڑھ گیا۔ ایسے حالات میں بجلی کے بل کا دباو¿ کم کرنے کے لیے وزیرِ اعلیٰ نے سولر پلیٹ لگانے کا مشورہ دیا۔ اس کے لیے مرکزی حکومت سے کس طرح مدد ملے گی، یہ بھی انہوں نے بتا دیا۔ وزیرِ اعلیٰ نے کہا، ”اس کے نتیجے میں آنے والے دنوں میں بجلی کا بل اب آپ کے پاس نہیں آئے گا۔“

آج، پیر کو نندیگرام میں ’جن کلیان شیویر‘ (عوامی بہبود کیمپ) کا افتتاح کرتے ہوئے وزیرِ اعلیٰ نے کہا، ”پسماندہ لوگ جو بجلی کا بل ادا نہیں کر پا رہے، وہ ’پرائم منسٹر سوریہ گھر‘ کا فائدہ اٹھائیں۔ اس سلسلے میں 100 یونٹ کے لیے 30 ہزار روپے، 200 یونٹ کے لیے 60 ہزار روپے، 300 یونٹ کے شمسی پلان پر 78 ہزار روپے بھارت سرکار ہمارے ذریعے آپ کو دے گی۔“ شوبھندو ادھیکاری کے مطابق، یہ رقم گھر پر شمسی پلیٹ لگانے پر آنے والے دنوں میں بجلی کا بل نہیں آئے گا۔ اس کی درخواست مرکز اور ریاست کے مشترکہ اقدام سے شروع ہونے والے جن کلیان شیویر سے ہی مل سکے گی، یہ بھی آج ریاست کے وزیرِ اعلیٰ نے بتایا۔عوام کے فیصلے سے بنگال کی مسند پر ’ڈبل انجن‘ حکومت۔ وزیرِ اعلیٰ کی حیثیت سے حلف اٹھانے کے فوراً بعد شوبھندو ادھیکاری نے اعلان کیا کہ مرکز کے تمام منصوبوں کا فائدہ بنگال کے عوام کو ملے گا۔ اور اس کے بعد یکے بعد دیگرے متعدد مرکزی عوامی منصوبوں کا فائدہ عوام کو ملنے لگا ہے۔ اب اس فہرست میں شامل کر لیا گیا ہے پرائم منسٹر سوریہ گھر یوجنا بھی۔

واضح رہے کہ مرکز کی نریندر مودی حکومت کی ایک اہم ترین یوجنا ہے ’پرائم منسٹر سوریہ گھر‘۔ اس یوجنا کا بنیادی مقصد عوام کو بجلی کے بھاری بل کے بوجھ سے نجات دلانا ہے۔ اس میں گھر کی چھت پر سولر گرڈ سے منسلک سولر پینل لگانے کا موقع ہے۔ اس میں ہر ماہ 300 یونٹ تک بجلی حاصل کی جا سکتی ہے۔ ’جن کلیان شیویر‘ کے علاوہ اس یوجنا کا فائدہ حاصل کرنے کے لیے آن لائن بھی درخواست دی جا سکے گی۔ اس کے لیے پی ایم سوریہ گھر یوجنا کے آفیشل پورٹل پر جا کر درخواست دینی ہوگی۔