بدھان نگر میں بوسیدہ سڑکوں کی بارش کے دوران ہی مرمت کا فیصلہ

اس سال بدھان سبھا انتخابات سے پہلے بھی بندھن نگر میں خراب سڑکوں کے ایک حصے کی مرمت کرتے دیکھا گیا تھا۔ لیکن بارش شروع ہوتے ہی سڑکوں کی وہی کنکال نما صورت پھر سے ظاہر ہوگئی ہے۔ شہریوں کے مطالبے کو مانتے ہوئے محض عارضی پیوند کاری نہیں، بلکہ سڑکوں کی مکمل مرمت کی جائے گی، انتظامیہ کے ذرائع کا کہنا ہے۔

بدھان نگر میونسپل علاقے کی سڑکوں کی یہ حالت اس سال بھی مستثنیٰ نہیں رہی۔ مقامی رہائشیوں نے طویل عرصے سے سڑکوں کی مرمت کا مطالبہ کیا ہے۔ ان کا کہنا ہے کہ گاڑیوں کے دباو¿ کو مدنظر رکھتے ہوئے سڑکوں کے معیار کو بہتر بنانے کا منصوبہ بنایا جائے۔ انتظامیہ کے ذرائع کے مطابق، اس مطالبے کو مانتے ہوئے محض عارضی مرمت (تاپی) نہیں، بلکہ بارش کے دوران ہی مکمل تزئین و نو کا فیصلہ کیا گیا ہے۔بدھان نگر میونسپل کارپوریشن (بی ایم سی) سالٹ لیک اور راجارہاٹ گوپال پور میں وسیع پیمانے پر سڑکوں کی مرمت کا منصوبہ بنا رہی ہے۔ کل 180 سے زائد سڑکوں کی مرمت کی جائے گی، جس پر تقریباً 62.6 کروڑ روپے خرچ ہوں گے۔ ان میں سالٹ لیک کی 63 سڑکیں اور باقی راجارہاٹ گوپال پور علاقے کی ہیں۔

پوجا سے پہلے یہ کام مکمل کرنے کا ہدف مقرر کیا گیا ہے۔ 10 اکتوبر تک تزئین و نو کا کام ختم کرنے کا منصوبہ ہے۔ حال ہی میں ٹینک نمبر 13 سے آنندتا آئی لینڈ تک اور بندھن نگر شمالی تھانے کے قریب بھی کام شروع ہوچکا ہے۔