جنوبی بنگال میں شدید بارش کی وارننگ! کلکتہ میں کب اور کہاں ہوگی بارش؟

موسم بہار کے اختتام کے باوجود بارش نہیں رکی۔ بلکہ خزاں میں بارش مزید بڑھ رہی ہے۔ ڈی وی سی سے پانی چھوڑنے کی وجہ سے جنوبی بنگال کے کئی اضلاع میں سیلابی صورتحال پیدا ہو گئی ہے۔ دریاو¿ں کا پانی بڑھ رہا ہے۔ اس صورتحال میں علی پور موسمی محکمہ نے جنوبی بنگال میں مزید بارش کی وارننگ جاری کی ہے۔ نچلے دباو¿ کا علاقہ، گردباد اور موسمی محور کی وجہ سے مزید کچھ دن شدید بارش جاری رہے گی۔
موسم دفتر نے بتایا کہ مدھیہ پردیش اور اس سے ملحقہ علاقوں میں ایک واضح کم دباو¿ کا زون ہے۔ اس کے ساتھ گردباد سمندر کی سطح سے ۷.۶ کلومیٹر بلندی پر ہے۔ جمعہ تک یہ کم دباو¿ مزید شمال اور شمال مغرب کی طرف بڑھے گا۔ موسمی محور بھی شمالی ہندوستان میں فعال ہے۔ راجستھان، ہریانہ، اتر پردیش، مدھیہ پردیش، جھارکھنڈ سے ہوتا ہوا یہ مغربی بنگال میں داخل ہوا ہے اور دیگھا سے خلیج بنگال تک پھیلا ہوا ہے۔ اس کے علاوہ، بنگلہ دیش اور آس پاس کے علاقوں پر ایک اور گردباد بن گیا ہے، جو سمندر کی سطح سے ۱.۵ کلومیٹر بلندی تک پھیلا ہوا ہے۔ اس کے اثر سے ۹ ستمبر، بدھ تک مغربی بنگال کے مختلف حصوں میں کہیں کہیں شدید بارش ہو سکتی ہے۔