کتے کو گھی کھلانے جیسا’، سی پی آئی ایم کے بارے میں بات کرتے ہوئے سوکنت نے ایسا کیوں کہا؟

کولکاتا15جنوری :مرکزی وزیر سوکنت مجمدار کا دعویٰ ہے کہ ترنمول کے دور حکومت میں بنگال سے صنعتیں رخصت ہو چکی ہیں۔ انہوں نے وعدہ کیا کہ اگر بی جے پی اقتدار میں آئی تو صنعتیں دوبارہ آئیں گی اور ٹاٹا (Tata) کو سنگور واپس لایا جائے گا۔ اس کے ساتھ ہی انہوں نے بی جے پی اور ترنمول کی دوسری مخالف جماعت سی پی آئی ایم کے درمیان فرق بھی واضح کیا۔

سوکانتو مجمدار نے کہا، "بدھ دیو بھٹاچاریہ نے اپنی فطرت کے خلاف جا کر کام کیا تھا۔ وہ پارٹی جس نے 30 سال تک یہ نعرے لگائے کہ ‘ٹاٹا کے کالے ہاتھ توڑ دو، مٹا دو، برلا کے ہاتھ توڑ دو’، اور سرخ فیتے (بیوروکریسی) کے ذریعے ایک کے بعد ایک صنعتیں بند کیں، اب اگر وہ صنعتیں چاہیں تو کیا ہوگا؟ یہ کتے کو گھی کھلانے جیسا ہوگا۔ ہم ایسی باتیں نہیں کرتے۔ سی پی ایم سمجھتی ہے کہ مزدور قوت مالکان کی مخالف ہوتی ہے۔