گاڑیوںکے مالکان، ڈرائیور اور ہیلپروں کےلئے پوسٹل بیلٹ کا انتظام

الیکشن کمیشن آنے والے انتخابات کے پیش نظر گاڑیوں کے مالکان، ڈرائیوروں اور خلاصیوں (ہیلپروں) کے لیے ایک اہم سہولت فراہم کرنے جا رہا ہے۔ انتظامی ذرائع کے مطابق، انتخابی ڈیوٹی میں مصروف ہونے کی وجہ سے جو لوگ اپنے پولنگ بوتھ پر جا کر ووٹ نہیں ڈال سکیں گے، ان کے لیے پوسٹل بیلٹ کا انتظام کیا جا رہا ہے۔تمام گاڑیوں کے مالکان اور ان کی انجمنوں (یونینوں) کو ہدایت دی گئی ہے کہ وہ اپنے قریبی ‘پبلک وہیکلز ڈیپارٹمنٹ’ (PVD) کے دفتر سے پوسٹل بیلٹ کے لیے ضروری فارم 12 حاصل کریں۔متعلقہ مالکان اور انجمنوں کی یہ ذمہ داری ہوگی کہ وہ یہ فارم تمام ڈرائیوروں اور خلاصیوں میں تقسیم کریں۔ ڈرائیوروں اور خلاصیوں کو فارم 12 کو صحیح طریقے سے پ±ر کرنا ہوگا۔ حکام نے خبردار کیا ہے کہ فارم بھرنے میں کسی بھی قسم کی غلطی یا ادھوری معلومات کی صورت میں درخواست مسترد کی جا سکتی ہے۔ لہٰذا، تمام معلومات کی جانچ پڑتال کے بعد فارم کو درست طریقے سے پ±ر کرنے پر زور دیا گیا ہے۔اس اقدام کا مقصد یہ یقینی بنانا ہے کہ انتخابی عمل کو مکمل کرنے میں مصروف عملہ اپنے جمہوری حقِ رائے دہی سے محروم نہ رہے۔