شوبھندو ادھیکاری کے علاوہ پانچ وزراءنے بھی حلف لیا

شبھیندو ادھیکاری نے وزیر اعلیٰ کے طور پر حلف اٹھا لیا ہے۔ ان کے ساتھ کابینہ کے ارکان کے طور پر پانچ وزراءنے بھی حلف لیا۔ دیلیپ گھوش، اگنیمترا پال، نشیتھ پرامانک، اشوک کیرتنیا، اور خودی رام ٹوڈو نے وزیر کے طور پر حلف اٹھایا۔ گورنر آر این روی نے ان تمام کو حلف دلایا۔ بقیہ وزراءکی حلف برداری آئندہ پیر کو ‘لوک بھون’ (سابقہ راج بھون) میں ہوگی، جس کے بعد نئی کابینہ کا پہلا اجلاس منعقد ہوگا۔ بدھ کے روز باقی اراکینِ اسمبلی حلف اٹھائیں گے۔ہفتہ کے روز بریگیڈ گراو¿نڈ میں شبھیندو سمیت 6 وزراءنے حلف لیا۔ یہ بات جمعہ کو ہی معلوم ہو گئی تھی کہ شیشیر ادھیکاری کے صاحبزادے (شبھیندو) وزیر اعلیٰ بنیں گے، تاہم دیلیپ گھوش اور دیگر کے ناموں کا اعلان آج کیا گیا۔ ابھی یہ واضح نہیں ہے کہ ان پانچوں وزراءکو کون سے محکمے سونپے جائیں گے، لیکن سیاسی حلقے کابینہ کے ان پانچ ارکان کے انتخاب کو کافی اہمیت دے رہے ہیں۔انہیں بنگال میں بی جے پی کے عروج کا معمار کہنا غلط نہ ہوگا۔ پارٹی کو 3 سے 77 نشستوں تک پہنچانے میں ان کا اہم کردار رہا ہے۔ پارٹی کے ساتھ حالیہ سرد جنگ کو ختم کرتے ہوئے انہیں وزارت میں شامل کرنا، ان کی جدوجہد کا صلہ اور آر ایس ایس (RSS) کارکنوں کے لیے ایک اہم پیغام سمجھا جا رہا ہے۔ آسنسول جنوبی سے مسلسل جیت حاصل کرنے والی اگنیمترا کو شامل کر کے بی جے پی نے صنعتی علاقے کی نمائندگی کے ساتھ ساتھ کابینہ میں ایک ‘لڑاکا’ خاتون چہرہ بھی متعارف کرایا ہے۔

بونگاو¿ں شمال سے جیتنے والے اشوک کیرتنیا کو شامل کر کے ‘متوا’ برادری کو ساتھ رکھنے کا پیغام دیا گیا ہے۔ تاہم، بونگاو¿ں ٹھاکر باڑی کے کسی رکن کو ابھی وزیر نہ بنانا طاقت کی منتقلی کے حوالے سے نئے سوالات کھڑے کر رہا ہے۔ امت شاہ کے قریبی سمجھے جانے والے راج بنشی لیڈر نشیتھ پرامانک کے ذریعے شمالی بنگال کی نمائندگی کو یقینی بنایا گیا ہے۔ جنگل محل کے علاقے، جس نے بی جے پی کو بھرپور ووٹ دیے، وہاں سے کرمی سماج کے خودی رام ٹوڈو کو وزیر بنایا گیا ہے۔ انہوں نے سنتھالی زبان میں حلف اٹھا کر اپنی برادری کی ترقی کا عزم ظاہر کیا۔