بنگالی اداکار ہمایوں کبیر کی نئی پارٹی میں شامل ہوئے

کولکاتا24دسمبر:ٹولی وڈ (بنگالی فلم انڈسٹری) کا ایک جانا پہچانا چہرہ اب ہمایوں کبیر کی نئی سیاسی جماعت کا حصہ بن گیا ہے۔ اداکار اور ترنمول کانگریس کے سابق یوتھ لیڈر شعیب کبیر نے ترنمول چھوڑ کر ہمایوں کبیر کی ’جنتا اونین پارٹی‘ (JUP) میں شمولیت اختیار کر لی ہے۔شعیب کبیر نے حال ہی میں ریلیز ہونے والی فلم ’مرزا‘ میں انکوش ہاجرا کے ساتھ کام کیا تھا۔ اس کے علاوہ، وہ مشہور او ٹی ٹی سیریز ’2008 ممبئی اٹیکس‘ میں اجمل قصاب کا کردار ادا کرنے کے حوالے سے بھی سرخیوں میں رہے ہیں۔ ہمایوں کبیر کی پارٹی میں شامل ہوتے ہی شعیب کبیر کو ریاستی ترجمان (State Spokesperson) کی بڑی ذمہ داری سونپ دی گئی ہے۔شعیب کا دعویٰ ہے کہ ترنمول کانگریس کے اندرونی اختلافات اور دھڑے بندی (Internal Factionalism) ان کے پارٹی چھوڑنے کی اہم وجہ بنی۔ انہوں نے یہ بھی کہا کہ حکمران جماعت میں نوجوان نسل کو نظر انداز کیا جا رہا ہے۔ہمایوں کبیر نے شعیب کبیر کا استقبال کرتے ہوئے امید ظاہر کی ہے کہ ان کے آنے سے پارٹی کو نوجوانوں میں مقبولیت حاصل کرنے میں مدد ملے گی۔