صبح میں ٹکٹ خریدااور دوپہر میں کروڑ پتیبن گئے

قسمت کسی بھی لمحے انسان کی زندگی بدل سکتی ہے، ایسی ہی ایک شاندار مثال بن گئے کرانتی بلاک کے دھلاباڑی گاو¿ں کے نوجوان انار الحق۔ صبح لاٹری کا ٹکٹ کاٹ کر دوپہر ہی میں ایک کروڑ روپے کا پہلا انعام جیت کر وہ راتوں رات کروڑ پتی بن گئے۔ اس خبر سے پورا گاو¿ں خوشی سے نہا رہا ہے۔ کرانتی بلاک کے دھلاباڑی گاو¿ں کے رہائشی انارول گھر گھر جا کر بجلی کے میٹر کی بل ریڈنگ جمع کرنے کا کام کرتے ہیں۔ عام خاندان کے بیٹے انارول کے والد چائے کے باغ میں مزدور ہیں۔ گھر کی مختلف مشکلات کے باوجود وہ کبھی کبھار شوق سے لاٹری کے ٹکٹ خرید لیتے تھے۔
بتایا گیا ہے کہ بدھ کی صبح انہوں نے بارگھریا کے ایک لاٹری کاو¿نٹر سے ناگالینڈ اسٹیٹ لاٹری کا ایک ٹکٹ خریدا۔ بعد میں جب نتیجہ شائع ہوا تو کاو¿نٹر مالک تپن سرکار نے انہیں بتایا کہ ان کے ٹکٹ پر ایک کروڑ روپے کا پہلا انعام لگا ہے۔ یہ خوشخبری سن کر انارول خوشی سے بے خود ہو گئے۔
لمحے بھر میں یہ خبر پورے علاقے میں پھیل گئی۔ اس کے بعد سے ان کے گھر پر پڑوسیوں اور خیر خواہوں کا ہجوم لگنے لگا۔ خاندان کے افراد کے چہروں پر بھی سکون اور خوشی کی مسکراہٹیں نظر آنے لگیں۔ والدین، رشتہ داروں سے لے کر گاو¿ں کے لوگ سبھی اس کامیابی پر پرجوش ہیں۔ انارول کے نصیب میں لگی یہ خوش قسمتی ان کے خاندان کو بھی نئے خواب دکھا رہی ہے۔