نونیت رانا نے تمام ہندوو¿ں سے اپیل کی ہے کہ وہ کم از کم 3 سے 4 بچے پیدا کریں

مہاراشٹر کی بی جے پی لیڈر نونیت رانا نے ایک بار پھر متنازع بیان دیتے ہوئے کہا ہے کہ اگر ملک کو پاکستان بننے سے بچانا ہے تو ہندوو¿ں کو کم از کم 3 سے 4 بچے پیدا کرنے چاہئیں۔ انہوں نے ایک مولانا کے بیان کا حوالہ دیتے ہوئے کہا کہ اگر وہ 19 بچے پیدا کر سکتے ہیں تو ہندوو¿ں کو بھی اپنی تعداد بڑھانی چاہیے تاکہ ان کی سازشوں کا مقابلہ کیا جا سکے۔ نونیت رانا کے مطابق، کچھ لوگ زیادہ بچے پیدا کر کے ہندوستان کو پاکستان بنانے کا ارادہ رکھتے ہیں، اس لیے ہندوو¿ں کو صرف ایک بچے پر خوش نہیں ہونا چاہیے۔
اس کے علاوہ، انہوں نے ادھو ٹھاکرے اور راج ٹھاکرے کے ممکنہ اتحاد پر تبصرہ کرتے ہوئے کہا کہ ادھو ٹھاکرے اب بے بسی کی علامت بن چکے ہیں اور ان کے ساتھ جڑنے والوں کو بلدیاتی انتخابات میں عبرتناک شکست کا سامنا کرنا پڑے گا۔