رتنا چٹرجی کو پولیس کا نوٹس! پرنا شری کے واقعے میں ترنمول امیدوار کو حاضر ہونے کی ہدایت

ایف آئی آر پہلے ہی درج ہو چکی تھی۔ اب بہالا مغربی سے ترنمول امیدوار رتنا چٹرجی کو پولیس نے نوٹس بھی بھیج دیا ہے۔ الزام ہے کہ بہالا کے پرنا شری میں بی جے پی کے پارٹی دفتر میں رتنا اور ان کے لوگوں نے توڑ پھوڑ کی ہے۔ اس واقعے میں کولکاتہ پولیس نے رتنا کو طلب کیا ہے۔

اتوار کی دوپہر سے پرنا شری کا علاقہ وقفے وقفے سے پرتشدد ہوتا رہا۔ رات گئے تک وہاں تناو¿ برقرار رہا۔ بی جے پی کے ایک دفتر میں توڑ پھوڑ کا الزام لگایا گیا۔ بی جے پی کا دعویٰ ہے کہ اتوار کی دوپہر مقامی ترنمول کارکنوں اور حامیوں نے پرنا شری میں ان کی پارٹی کے دفتر جا کر پوسٹر اور بینر پھاڑ دیے اور دفتر میں توڑ پھوڑ بھی کی۔ بی جے پی نے پولیس پر بھی غیر جانبداری نہ برتنے اور تماشائی بنے رہنے کا الزام لگایا۔