کرسمس: کرسمس لائٹنگ نہیں، صبح سے ہی پارک اسٹریٹ پر کس لیے بھیڑ امنڈ پڑی؟

کولکاتا25دسمبر:آج کرسمس ہے۔ پورا بنگال جشن کے موڈ میں ہے۔ اور کولکتہ کے باسیوں کے لیے کرسمس کا مطلب ہی ‘پارک اسٹریٹ’ ہے۔ اتوار سے ہی پارک اسٹریٹ پر ہجوم ہے اور ہر سال کی طرح آج کرسمس کے دن بھی لوگوں کی بڑی تعداد وہاں موجود ہے۔ تاہم، اس بار بھیڑ دوپہر یا شام سے نہیں بلکہ صبح سے ہی شروع ہو گئی ہے۔ صبح کے وقت تو کرسمس کی روشنیاں نظر نہیں آئیں گی، تو پھر سب وہاں کیوں جمع ہو رہے ہیں؟ جواب ہے: انگلش بریک فاسٹ (انگریزی ناشتہ) کے لیے۔ سال کے اس خاص دن، بہت سے لوگ اپنے دن کا آغاز غیر ملکی پکوانوں سے کرنا چاہتے ہیں۔ اسی لیے پارک اسٹریٹ کے مشہور ‘فلوریز’ (Flurys) سے لے کر مختلف دکانوں اور ریستورانوں میں زبردست رش دیکھا جا رہا ہے۔