راہل سنہا نے شادی کے فوراً بعد کیا کیا تھا؟ شمیک نے راز فاش کر دیا

کولکتہ26دسمبر: ایک بی جے پی کے سابق ریاستی صدر ہیں اور دوسرے موجودہ۔ جب پہلے (راہول سنہا) صدر تھے، تب ریاست میں بی جے پی کی اہمیت نہ ہونے کے برابر تھی، پھر بھی انہوں نے میدان نہیں چھوڑا۔ اور آج جب بی جے پی ریاست میں اقتدار کے لیے لڑ رہی ہے، تو موجودہ صدر نے اپنے پیشرو کی جم کر تعریف کی۔

کل کولکتہ کی نیشنل لائبریری میں ایک دلچسپ منظر دیکھا گیا جہاں مغربی بنگال بی جے پی کے موجودہ صدر شمیک بھٹاچیاریہ نے سابق صدر راہول سنہا کی زبردست ستائش کی۔ شمیک بھٹاچیاریہ نے یہاں تک بتا دیا کہ راہول سنہا نے اپنی شادی کے فوراً بعد کیا کیا تھا۔یہ موقع تھا ملک کے سابق وزیر اعظم آنجہانی اٹل بہاری واجپئی کے 101 ویں یومِ پیدائش کی مناسبت سے نیشنل لائبریری میں منعقدہ ‘گڈ گورننس ڈے’ (Su-shasan Diwas) کا۔ اس تقریب میں راہول سنہا، شمیک بھٹاچیاریہ، سوکانتو مجمدار اور اپوزیشن لیڈر شبھیندو ادھیکاری موجود تھے۔ اسی تقریب میں شمیک نے راہول سنہا کی پارٹی کے لیے قربانیوں کا تذکرہ کیا۔