اوڈیشہ گئے بنگال کے مہاجر مزدور کی موت پر وزیر اعلیٰ ممتا بنرجی نے شدید غم و غصے کا اظہار کیا

اس واقعے پر ردعمل دیتے ہوئے ممتا بنرجی نے کہا کہ "بنگالی بولنا کوئی جرم نہیں ہو سکتا”: وزیر اعلیٰ نے کہا کہ بی جے پی کی حکومت والی ریاستوں میں بنگالی بولنے والے لوگوں کو نشانہ بنایا جا رہا ہے اور انہیں ہراساں کیا جا رہا ہے۔انہوں نے بی جے پی مقتول ریاستوں میں بنگالیوں پر ہونے والے مظالم کی شدید مذمت کی اور کہا کہ وہ ان متاثرہ خاندانوں کے ساتھ کھڑی ہیں۔ممتا بنرجی نے اعلان کیا کہ مرشد آباد کے جنگی پور (سوتی) علاقے کے اس نوجوان کے خاندان کو ریاستی حکومت کی جانب سے مالی امداد فراہم کی جائے گی۔ اس معاملے میں مغربی بنگال پولیس نے ‘زیرو ایف آئی آر’ درج کی ہے اور تحقیقات کے لیے ایک ٹیم اوڈیشہ بھیجی گئی ہے۔وزیر اعلیٰ نے مزید کہا کہ مرشد آباد کے مہاجر مزدور خوفزدہ ہو کر اوڈیشہ سے واپس آ رہے ہیں، جو کہ انتہائی بدقسمتی کی بات ہے۔ انہوں نے متاثرہ خاندانوں کو ہر ممکن تعاون کا یقین دلایا ہے۔