سیالدہ اسٹیشن پر ایک نیا داخلہ دروازہ کھولا گیا

سیالدہ اسٹیشن پر ایک نیا داخلہ دروازہ کھولا گیا ہے، جسے بنیادی طور پر لمبی دوری کی ٹرینوں کے مسافروں کے استعمال کے لیے ”سینٹرل گیٹ” کے نام سے شروع کیا گیا ہے۔ میل اور ایکسپریس ٹرینیں جن پلیٹ فارمز پر کھڑی ہوتی ہیں، اس گیٹ کے ذریعے براہِ راست وہاں پہنچا جا سکتا ہے۔ ریل کی طرف سے بتایا گیا ہے کہ شیا لدہ اسٹیشن پر مسافروں کی آمد و رفت کو مزید منظم کرنے اور ہجوم کو کنٹرول کرنے کے لیے یہ نیا گیٹ کھولا گیا ہے۔ اب شیا لدہ میں داخلہ دروازوں کی کل تعداد پانچ ہو گئی ہے۔
اب تک شیا لدہ اسٹیشن پر مسافروں کی آمد و رفت کے لیے کل چار گیٹ تھے – پروفلا دوار، نارتھ گیٹ، مین گیٹ اور ساو¿تھ گیٹ۔ کس پلیٹ فارم پر جانے کے لیے کس دروازے سے داخل ہونا چاہیے، اس کا کوئی خاص اصول نہیں تھا۔ مسافر اپنی مرضی سے کسی بھی گیٹ سے اسٹیشن میں داخل ہوتے اور پھر ضروری پلیٹ فارم پر جاتے۔ اس سے مصروف وقت میں ہجوم کی دھکم پیل زیادہ ہوتی تھی۔ لوکل اور لمبی دوری کی ٹرینوں کے مسافر جلدی میں ایک ساتھ بھاگ دوڑ کرتے تھے، جس سے حادثے کا امکان بھی رہتا تھا۔ نئے سینٹرل گیٹ کو استعمال کرتے ہوئے ریل حکام اس نظام میں تبدیلی لانے کی کوشش کر رہے ہیں۔