ممنوعہ چینی ایپ کا ہندوستانی ورزن بنا کر جنسی زیادتی اور بلیک میل! ذہین طالبہ گرفتار

ممنوعہ چینی ایپ کا ہندوستانی ورڑن بنا کر ملک بھر میں سیکسٹورشن (جنسی زیادتی کے ذریعے بلیک میلنگ) کا گینگ فعال ہے۔ اسی ایپ کے ذریعے شہر کے ایک نوجوان سے ۱ لاکھ ۴۷ ہزار روپے ہتھیانے کے الزام میں پولیس نے ایئر ہوسٹس کورس کی ایک ذہین طالبہ کو گرفتار کر لیا۔ اتوار کو اس نوجوان خاتون کو شمالی مضافات میں اس کے گھر سے مشرقی کلکتہ کے مانک تلا تھانے کے افسران نے گرفتار کیا۔

پولیس نے بتایا کہ یہ نوجوان خاتون شمالی مضافات کے نامور اسکول اور کالج میں پڑھتی تھی۔ کالج سے پاس ہونے کے بعد ایئر ہوسٹس کورس میں داخلہ لیا۔ اس دوران سوشل میڈیا پر چنڈی گڑھ کی ایک نوجوان خاتون سے اس کی شناسائی ہوئی۔ اس خاتون کے ذریعے یا حوالے سے اس سیکسٹورشن ایپ میں بطور ایجنٹ شامل ہو گئی۔ ایک بین ریاستی گینگ نے اس ممنوعہ چینی ایپ کا ہندوستانی ورڑن بنایا ہے۔ کچھ رقم خرچ کرنے پر اس ایپ میں شامل ہوا جا سکتا ہے۔ محض تفریح کے لیے ملک بھر کے بہت سے نوجوان مرد اور خواتین اس ایپ میں شامل ہوتے ہیں۔ پورے ملک میں نوجوان مرد اور خواتین ایجنٹ ہیں۔ نوجوان خواتین کو نشانہ بناتے ہیں۔ ایپ میں یہ دیکھا گیا ہے کہ بہت سی خواتین، جن کی عمر قدرے زیادہ ہے، وہ نوجوانوں کے ساتھ چیٹ میں ‘قریبی’ ہو جاتی ہیں۔ اس موقع کا فائدہ اٹھا کر ان خواتین کی فحش ویڈیوز بنا کر انہیں دھمکی دے کر سیکسٹورشن کیا جاتا ہے۔