رام پور ہٹ میں بڑی تعداد میں جلا تین اسٹک برآمد، تخریب کاری کی سازش!

ایک بار پھر رام پور ہٹ سے بڑی مقدار میں دھماکہ خیز مواد برآمد! اس واقعے میں ایک شخص کو گرفتار کیا گیا ہے۔ ملزم کے گھر سے 304 جیلا تین اسٹک ملی ہیں۔ اس کے علاوہ مزید کچھ سامان بھی برآمد ہوا ہے۔ چند دن قبل ریاست میں بنگال ایس ٹی ایف نے ایک آئی ایس آئی جاسوس کو گرفتار کیا تھا۔ کیا دہشت گردوں کا جال ریاست کے مختلف علاقوں میں پھیلا ہوا ہے؟ یہ سوال بھی اٹھ رہا ہے۔ اسی درمیان یہ بڑی مقدار میں دھماکہ خیز مواد برآمد ہوا ہے۔ کیا تخریب کاری کی سازش ہو رہی ہے؟ یا کوئی اور وجہ ہے؟ پولیس اس کی کھوج لگا رہی ہے۔
خفیہ ذرائع سے رام پور ہٹ تھانے کی پولیس کو معلومات ملی تھی۔ رام پور ہٹ کے آیااس گاو¿ں کے باٹھان پاڑہ علاقے میں پولیس کی ٹیم نے چھاپہ مارا۔ علاقے کو گھیر کر تلاشی مہم شروع کی گئی۔ گھر کے اندر سے بڑی تعداد میں جیلا تین اسٹک برآمد ہوئیں۔ گھر کے مالک شریف اللہ اسلام سے ابتدائی پوچھ گچھ کی گئی۔ اس کے بعد اس شخص کو گرفتار کر کے تھانے لے جایا گیا۔ 304 جیلا تین اسٹک ضبط کر لی گئی ہیں۔