کولکتہ میں بنگلہ دیشی ڈپٹی ہائی کمیشن کے باہر احتجاج

کولکاتات23دسمبر :بنگلہ دیش میں دیپو داس کے قتل کے واقعے کے خلاف کولکتہ میں بھی شدید احتجاج شروع ہو گیا ہے۔ کولکتہ کے بیک باگان میں بنگلہ دیشی ڈپٹی ہائی کمیشن کے باہر اس احتجاج کی وجہ سے کشیدگی پھیل گئی۔ مظاہرین اور پولیس کے درمیان جھڑپیں ہوئیں، جس کی وجہ سے علاقے میں عارضی طور پر ٹریفک کا نظام درہم برہم ہو گیا۔
حال ہی میں بنگلہ دیش کے ضلع میمن سنگھ میں دیپو داس کو پیٹ پیٹ کر قتل کرنے کا الزام سامنے آیا ہے۔ اس واقعے کے خلاف مغربی بنگال سمیت بھارت کے مختلف حصوں میں احتجاج شروع ہو گیا ہے۔ منگل کے روز وشو ہندو پریشد (VHP)، اے وی بی پی (ABVP)، اور ہندو جاگرن منچ جیسی سنگھ پریوار کی متعدد تنظیموں کی کال پر بڑی تعداد میں لوگ بنگلہ دیشی ڈپٹی ہائی کمیشن کی طرف مارچ کرنے کے لیے جمع ہوئے۔ وہ جلوس کی شکل میں بیک باگان علاقے تک پہنچے، تاہم بنگلہ دیشی ڈپٹی ہائی کمیشن تک پہنچنے سے پہلے ہی پولیس نے مظاہرین کو روک دیا۔