شر پسندو ں نے مالدہ کے رہنے والے بی ایس ایف کے جوان کو ہلاک کر دیا

منی پور میں گشت کے دوران شرپسندوں کی فائرنگ سے مالدہ سے تعلق رکھنے والے بی ایس ایف (BSF) جوان کی ہلاکت کی دلخراش خبر سامنے آئی ہے۔متھن منڈل (عمر 34 سال)۔ وہ بی ایس ایف کی 170 ویں بٹالین میں شامل تھے اور منی پور کے ضلع اوکھرل (Ukhrul) میں خدمات انجام دے رہے تھے۔جمعہ کی شام جب وہ مونگ کوٹ چیپو کے علاقے میں گشت کر رہے تھے، تو اچانک کہیں سے آنے والی ایک گولی انہیں لگی۔ انہیں فوری طور پر اسپتال منتقل کیا گیا، لیکن وہ جانبر نہ ہو سکے اور شہید ہو گئے۔متھن کا تعلق مالدہ کے موتھاباری تھانہ کے تحت شمالی لکشمی پور کے بھاجن ٹولہ علاقے سے تھا۔ متھن کے والد منٹو منڈل ایک کسان ہیں۔ متھن خاندان کے واحد کمانے والے فرد تھے، جبکہ ان کا چھوٹا بھائی کھیتی باڑی میں والد کا ہاتھ بٹاتا ہے۔
متھن کی شادی چھ سال قبل سولیکھا سے ہوئی تھی۔ ان کے دو چھوٹے بچے ہیں (ایک پانچ سال کا اور دوسرا تین سال کا)جمعہ کی رات تقریباً 7 بجے محکمہ کی طرف سے پہلے زخمی ہونے اور پھر 15 منٹ بعد ان کی شہادت کی خبر دی گئی۔ اس خبر کے بعد سے پورے گاو¿ں میں ماتم کا سماں ہے۔ بیوہ سولیکھا اپنے بچوں کے مستقبل کو لے کر شدید پریشان اور صدمے میں ہیں۔حکام کی جانب سے واقعے کی تحقیقات شروع کر دی گئی ہیں کہ فائرنگ کس نے اور کہاں سے کی، جبکہ شہید جوان کی میت کو ان کے آبائی گاو¿ں لانے کے انتظامات کیے جا رہے ہیں۔