جنوبی بنگال میں کال بیساکھی شروع

شمالی بنگلہ دیش اور اس کے گردونواح میں سطح سمندر سے 0.9 کلومیٹر کی بلندی پر ایک گردشی ہوا کا مرکز (Cyclonic Circulation) بنا ہوا ہے۔
شمال مغربی بہار سے منی پور تک ایک مشرقی-مغربی ٹرف لائن موجود ہے، جس کی وجہ سے خلیج بنگال سے بڑی مقدار میں نمی زمینی علاقوں میں داخل ہو رہی ہے۔ان وجوہات کی بنا پر 16 اور 17 اپریل کو جنوبی بنگال کے وسیع حصوں میں طوفانی بارش کے لیے حالات سازگار ہو گئے ہیں۔محکمہ موسمیات نے جمعرات کے لیے مخصوص اضلاع میں الرٹ جاری کیا ہے: بانکوڑا، مشرقی بردھوان، مغربی بردھوان، بیربھوم، ندیا اور شمالی 24 پرگنہ میں ہلکی سے درمیانی بارش کے ساتھ 50 سے 60 کلومیٹر فی گھنٹہ کی رفتار سے ہوائیں چل سکتی ہیں۔جنوبی بنگال کے باقی اضلاع میں بھی بارش کا امکان ہے، جہاں ہوا کی رفتار 40 سے 50 کلومیٹر فی گھنٹہ رہنے کی توقع ہے۔کولکتہ میں بھی بادل چھائے رہیں گے اور گرج چمک کے ساتھ بارش اور تیز ہواو¿ں کا امکان ہے۔ اگرچہ بارش سے شدید گرمی سے عارضی سکون ملے گا، لیکن مجموعی درجہ حرارت میں نمایاں کمی نہیں آئے گی۔ہوا میں نمی کے زیادہ تناسب کی وجہ سے گرمی کی شدت اور ‘ڈسکمفرٹ انڈیکس’ (حبس کی وجہ سے ہونے والی بے چینی) برقرار رہے گی۔