ہوٹل میں بلا کر نوجوان خاتون سے زیادتی، رات بھر تشدد کے باعث خاتون بیمار

ہوٹل میں بلا کر مسلسل زیادتی کی گئی ! شراب کی حالت میں رات بھر تشدد کیا گیا ! برہنہ حالت میں ہوٹل کے بالکونی میں جانے پر مجبور کرنے کا الزام بھی ہے۔ جس کی وجہ سے نوجوان خاتون بیمار ہو گئیں۔ اس کے بعد میٹیابروز تھانے میں خاتون نے زیادتی کا مقدمہ درج کرایا۔ چونکہ جنوبی کلکتہ کے بانشدرونی علاقے میں متعدد بار اس خاتون کے ساتھ جنسی زیادتی کی گئی، اس لیے اس مقدمے کی دستاویزات بانشدرونی تھانے بھیج دی گئیں۔ اس کی بنیاد پر بانشدرونی تھانے کی پولیس نے نوجوان کے خلاف تحقیقات شروع کر دی ہیں۔

خاتون کے مطابق، سات سال پہلے سوشل میڈیا پر ایک نوجوان سے ان کی ملاقات ہوئی۔ اس سلسلے میں دونوں کے درمیان دوستی اور قربت بڑھی۔ لاک ڈاو¿ن کے دوران دونوں کے درمیان سوشل میڈیا پر گفتگو بھی ہوتی تھی۔ ملزم نوجوان اس خاتون کو گھومنے پھرنے کے بہانے شہر سے باہر لے جاتا تھا۔ الزام ہے کہ ہوٹل کے کمرے میں نوجوان خاتون سے زیادتی کی۔ صرف یہی نہیں، تشدد کے بعد اس نے خاتون کی فحش تصاویر اور ویڈیوز بنا لیں۔ پھر اس ویڈیو کو سوشل میڈیا پر اپ لوڈ کرنے اور جاننے والوں میں پھیلانے کی دھمکی دے کر اس نے متعدد بار نوجوان خاتون کو شہر سے باہر لے جا کر زیادتی کی۔ خاتون کے مطابق جب بھی انہوں نے احتجاج کیا تو انہیں دھمکیاں دی جاتی تھیں۔

خاتون کا الزام ہے کہ دن بہ دن ان کے ساتھ تشدد بڑھتا جا رہا تھا۔ وہ شرم اور خوف کی وجہ سے گھر والوں کو کچھ نہیں بتا سکیں۔ حال ہی میں جوکا علاقے کے ایک ہوٹل میں لے جا کر رات بھر ان کے ساتھ شراب کی حالت میں جنسی زیادتی کی گئی۔ برہنہ حالت میں کمرے سے ہوٹل کے بالکونی میں جانے پر مجبور کیا گیا۔ خوفزدہ حالت میں اگلی صبح انہوں نے کسی طرح اس ہوٹل سے نکل کر گھر پہنچیں۔ وہ جسمانی طور پر بیمار ہو گئیں۔ خاندان کی مدد سے انہوں نے میٹیابروز تھانے میں مقدمہ درج کرایا۔ چونکہ ملزم بانشدرونی برہم پور کا رہائشی ہے اور واقعات کا آغاز اسی علاقے سے ہوا، اس لیے میٹیابروز تھانے کی پولیس نے زیرو ایف آئی آر کر کے ابتدائی تحقیقات کے بعد مقدمہ بانشدرونی تھانے بھیج دیا۔ پولیس نے بتایا کہ اس نوجوان کے خلاف تحقیقات جاری ہیں۔