مزدور سے کروڑوں کی جائیداد کے مالک بننے والے ٹولو نے عدالت سے تحفظ کی درخواست کی

اپنے بہنوئی منار منڈل کی گرفتاری کے بعد سے ٹولو منڈل روپوش ہیں۔ خیال کیا جا رہا ہے کہ وہ بیرون ملک جا کر چھپ گئے ہیں۔ پردے میں رہتے ہوئے ہی ٹولو منڈل نے اب تحفظ (رکشا کَوَچ) کی درخواست دائر کی ہے۔ بدھ کو انہوں نے کلکتہ ہائی کورٹ کا رخ کیا۔ جسٹس سو¿گت بھٹاچاریہ کی عدالت میں یہ مقدمہ درج ہوا۔

ٹولو منڈل دن بھر دن مزدوری اور شام کو گھر میں ٹیوشن پڑھا کر اپنا گزر بسر کرتے تھے۔ دن مزدوری کرتے ہوئے ہی انہوں نے گاڑیوں میں پتھر لوڈ کرنے کا ٹھیکہ لیا۔ وہاں سے کچھ پیسے کما کر انہوں نے مرحلہ وار کئی ٹرک خریدے اور خود پتھر کی نقل و حمل کے کاروبار میں مہارت حاصل کی۔ آہستہ آہستہ انہیں مالی خوشحالی کا سامنا ہونے لگا۔ دوسرے مرحلے میں، جب ریاست میں تری نامول حکومت برسرِاقتدار آئی، تو ضلعی اور ریاستی سطح کے رہنماو¿ں کو احساس ہوا کہ محمدبازار میں زمین کے نیچے پتھر کی نہیں بلکہ رقم کی کان ہے۔ وہاں سے بے پناہ کمائی ممکن ہے۔ فطری طور پر اس علاقے پر رہنماو¿ں کی نظر پڑی، اور ایک بار پھر اپنے تعلیم یافتہ ذہن کو استعمال کرتے ہوئے، رہنماو¿ں اور پتھر کے تاجروں کے درمیان دوستی کی بنیاد پر ٹولو منڈل پہلے نمبر پر آ گئے۔ اس سے ٹولو کے عروج کا راستہ اور بھی ہموار ہو گیا۔ تاہم، 2016 میں انوبھرا منڈل کی مہربانی حاصل ہونے کے باعث ڈی سی آر کے ٹول گیٹ کو چلانے کی ذمہ داری ملنے کے بعد سے ہی ان کی زندگی کا رخ بدل گیا۔