میرے ساتھ سونے پر ہی تمہیں بیوٹی تھراپسٹ کورس کا سرٹیفیکٹ ملے گا’، ٹرینر کی گھریلو خاتون کو تجویز!

‘اسسٹنٹ بیوٹی تھراپسٹ’ کا آن لائن کورس فروری 2021 میں ختم ہوا تھا۔ لیکن آج تک اسے ہاتھ نہیں لگا امتحان کا نتیجہ! کیونکہ ٹرینر کی شرط تھی کہ صرف اس کے ساتھ جسمانی تعلق قائم کرنے پر ہی نتیجہ اور سند ہاتھ لگے گی۔ ایسی صورتحال میں وہ پہلے تو بالکل حیران رہ گئیں۔ حد سے گزر جانے پر شمالی کولکاتا کے جورا باگان تھانے میں ایک گھریلو خاتون نے ڈائری درج کروائی۔ ان کا دعویٰ ہے کہ ملزم ان کے گھر آیا اور انہیں جنسی طور پر ہراساں کیا، اور دوبارہ ایسا کرنے کی دھمکی دی۔
پولیس نے بتایا کہ مغربی بنگال سوسائٹی فار سکل ڈویلپمنٹ کے تحت فروری 2021 میں ‘اسسٹنٹ بیوٹی تھراپسٹ’ کا آن لائن کورس ہوا تھا۔ اسی میں شامل ہوئی تھیں شکایت کنندہ گھریلو خاتون۔ انہوں نے سارا کورس اور عملی تربیت آن لائن مکمل کرنے کے باوجود کوئی نتیجہ یا سند حاصل نہیں کی۔ اس لیے گزشتہ جنوری میں وہ نیو ٹاو¿ن میں ٹیکنیکل بھون میں متعلقہ دفتر گئیں اور رابطہ کیا۔ وہاں افسران نے انہیں بتایا کہ ٹرینر کی طرف سے نتیجہ روکا گیا ہے۔ انہیں مشورہ دیا گیا کہ براہ راست ٹرینر سے بات کریں۔ انہوں نے اس ٹرینر کو فون کیا تو اس نے پہلے کہا کہ وہ معاملہ ‘دیکھ رہا ہے’۔ چند دن بعد اس نے کہا کہ نتیجہ جاری کرنے میں کوئی پیچیدہ مسئلہ ہے۔ اس معاملے کو ‘سمجھانے’ کے لیے ٹرینر نے خاتون کو نیو ٹاو¿ن کے ایک کیفے میں بلایا۔ خاتون کو اندازہ بھی نہ تھا کہ کیا تجربہ ہونے والا ہے۔