آگ سے بچنے کےلئے کچھ لوگ ہوٹل سے تالا ب میں کود گئے

تاراپیٹھ کے ‘بدیشینی’ ہوٹل میں خوفناک آگ لگنے سے 9 افراد جاں بحق ہو گئے۔ پیر کو اس واقعے کے اگلے روز منگل کو آفات سے نمٹنے کی خصوصی ٹیم (این ڈی آر ایف) نے تالاب میں تلاشی شروع کر دی۔ آگ کے بھیانک شعلوں اور گھنے کالے دھوئیں سے جان بچانے کے لیے کیا کوئی مکین تالاب کے پانی میں کود گیا تھا، یہ سوال اٹھ رہا ہے۔ اور اسی کی جانچ پڑتال کے لیے یہ تلاشی مہم چلائی جا رہی ہے۔ منگل کو سپیڈ بوٹ اتار کر تالاب کے مختلف حصوں میں تلاشی لی گئی۔ اس کے ساتھ ہی تربیت یافتہ غوطہ خوروں کو بھی پانی میں اتارا گیا۔ غوطہ خوروں نے تالاب کے گہرے پانی میں جا کر تہہ تک جانچ کی۔

پیر کو تراپیٹھ تھانہ سے متصل ہوٹل میں خوفناک آگ لگنے کا واقعہ پیش آیا۔ لمحہ بھر میں آگ پھیلنے سے پورے علاقے میں دہشت پھیل گئی۔ اس آگ میں ہوٹل میں قیام پذیر 9 مکین جاں بحق ہو گئے۔ معلوم ہوا کہ آگ لگنے کے وقت ایمرجنسی گیٹ نہیں کھلا اور آگ بجھانے کے آلات بھی کام نہیں کر سکے۔ اس پر ہوٹل مالکان کی غفلت کا الزام عائد کیا گیا۔ مالک کے بیٹے کو گرفتار کر لیا گیا۔ تحقیقات شروع کر دی گئی ہیں۔

سوال اٹھ رہا ہے کہ آگ سے بچنے کے لیے مکین کیسے باہر نکلے، کیا کوئی باہر نہ نکل سکنے کی وجہ سے کسی اور راستے سے بھاگنے کی کوشش کر رہا تھا، ان تمام پہلوو¿ں کی بھی تحقیقات کی جا رہی ہیں۔ پیر کی صبح سویرے اچانک آگ لگنے سے نکلنے کا راستہ نہ ملنے پر کیا کسی نے قریبی تالاب میں چھلانگ لگا دی؟ اس سوال کا جواب حاصل کرنے کے لیے منگل کی صبح سے این ڈی آر ایف کی ٹیم نے اس تالاب میں تلاشی شروع کر دی۔ سپیڈ بوٹ اتار کر تالاب کے مختلف حصوں میں تلاشی کے ساتھ ساتھ تربیت یافتہ غوطہ خوروں کو پانی میں اتارا گیا۔ کیا کوئی لاپتہ شخص اتنی دیر پانی میں رہنے کے باوجود زندہ ہے، بنیادی طور پر اسی امکان کی جانچ کی جا رہی ہے۔

دوسری جانب، آگ میں جاں بحق 9 افراد کی لاشوں کا پوسٹ مارٹم اور انہیں ان کے اہل خانہ کے حوالے کرنے کا عمل جاری ہے۔ اس دوران رام پور ہٹ میڈیکل کالج ہسپتال میں میگھالیہ کے پانچ باشندوں کا پوسٹ مارٹم مکمل کر لیا گیا ہے۔ ان کی لاشیں میگھالیہ روانہ کر دی گئی ہیں۔ اس کے علاوہ منگل کو علی پور دوار کے چار باشندوں کا پوسٹ مارٹم مکمل ہونے کی امید ہے۔