تاجر کو اغوا کرنے کے الزام میں بی جے پی لیڈر گرفتار

ایک تاجر کو اغوا کر کے دو لاکھ روپے تاوان لینے کے الزام میں شیتلکوچی تھانے کی پولیس نے بی جے پی لیڈر کو گرفتار کیا ہے۔ گرفتار بی جے پی لیڈر کا نام پنکج ساہا ہے۔ وہ بی جے پی کی ضلع کمیٹی کے رکن ہیں۔ الزام ہے کہ یوم آزادی کے موقع پر شیتلکوچی کے بامن پاڑہ علاقے کے ایک تاجر گوسائی ہاٹ میں چاول خریدنے گئے تھے۔ شام کو گھر واپس آنے سے پہلے انہیں فون کر کے بلا کر اغوا کر لیا گیا۔ بعد میں تاجر سے تاوان کے طور پر دو لاکھ روپے لیے گئے۔ اس واقعے پر شیتلکوچی تھانے میں شکایت درج ہونے کے بعد پولیس نے پنکج کو گرفتار کر لیا۔ قدرتی طور پر اس واقعے سے بی جے پی کے اندرونی حلقوں میں بے چینی پھیل گئی ہے۔
کوچ بہار ضلع بی جے پی کے صدر ابھیجیت برمن نے بتایا کہ اگر کسی نے غلطی کی تو اسے سزا ملنی چاہیے۔ بی جے پی کی واضح ہدایت ہے کہ کسی بھی قسم کی زیادتی کو برداشت نہیں کیا جائے گا۔ اگر ان کے خلاف الزام ثابت ہو گیا تو پارٹی کی طرف سے بھی مناسب کارروائی کی جائے گی۔ اس واقعے پر گزشتہ پیر کو شیتلکوچی تھانے میں تحریری شکایت درج کروائی تھی شیتلکوچی بلاک کے بامن پاڑہ گاو¿ں کے تاجر سائزر میاں نے۔ انہوں نے بتایا کہ 15 اگست کو ان کا بیٹا اسلام میاں چاول خریدنے کے لیے صبح گھر سے نکلا تھا۔ شام کو اسے فون کر کے ایک جگہ بلا کر لے جایا گیا۔ وہاں اچانک 10-12 افراد آئے اور اپنے بیٹے کو اسلحہ دکھا کر اغوا کر لے گئے۔