آدھار کارڈ نہ ہونے کی وجہ سے ہسپتال نے داخلہ نہیں لیا! بنگاوں میں گیٹ کے باہر ہی بیمار بوڑھی عورت کی موت

آدھار کارڈ نہ ہونے کی وجہ سے ہسپتال نے داخلہ نہیں لیا! بنگاوں میں گیٹ کے باہر ہی بیمار بوڑھی عورت کی موت
بیمار بوڑھی عورت کو ایمرجنسی میں ابتدائی علاج کے بعد ٹریٹمنٹ سیٹ دیا گیا تھا اور کہا گیا تھا کہ اسے داخل کرایا جائے۔ الزام ہے کہ آدھار کارڈ ساتھ نہ ہونے کی وجہ سے بنگاو¿ں سب ڈویڑن ہسپتال نے اسے فوری طور پر داخل نہیں لیا۔ جس کا انجام انتہائی دردناک ہوا۔ ہسپتال کے گیٹ کے باہر بیٹھتے ہی بوڑھی عورت کی موت ہو گئی۔ اس واقعے کے بعد بنگاو¿ں میں سنسنی پھیل گئی ہے۔
معلوم ہوا ہے کہ مرحومہ کا نام رینو منڈل ہے۔ ان کا کوئی بیٹا یا بیٹی نہیں تھا۔ وہ پیٹرپول تھانہ کے کالیانی کھیڈاپاڑہ علاقے کی رہائشی تھیں۔ بنگاو¿ں تھانہ کے کلپور کی رہائشی ان کی بہن سرسوتی سرکار کے ساتھ وہ سینے میں درد لے کر بنگاو¿ں سب ڈویڑن ہسپتال میں علاج کروانے گئی تھیں۔ سرسوتی نے بتایا کہ ایمرجنسی میں رینو کو دیکھ کر کہا گیا تھا کہ انہیں داخل کرایا جائے۔ اوپر (وارڈ میں) جانے کے بعد ہسپتال نے آدھار کارڈ مانگا۔ الزام ہے کہ آدھار کارڈ ساتھ نہ ہونے کی وجہ سے بوڑھی عورت کو وارڈ میں داخل نہیں لیا گیا۔ اس کے بعد بیمار بوڑھی عورت کو لے کر ان کی بہن آدھار کارڈ لانے کے لیے ہسپتال سے باہر نکلیں۔ جسمانی حالت اتنی خراب تھی کہ وہ گیٹ کے باہر ہی بیٹھ گئیں۔ وہیں رینو بے ہوش ہو گئیں۔ پھر انہیں ہسپتال کے اندر لے جایا گیا تو ڈاکٹروں نے انہیں مردہ قرار دے دیا۔