چاکدہ میں اسلحہ اور کارتوس سمیت تاجر گرفتار، مقامی لوگوں کو ڈرا دھمکانے کا الزام۔

علاقے میں اسلحہ لے کر گھومنے اور مقامی لوگوں کو ڈرانے دھمکانے کے الزام میں چاکدہ تھانے کی پولیس نے ایک شخص کو گرفتار کیا ہے۔ اس کے قبضے سے ایک دیسی ساختہ پستول اور دو راو¿نڈ کارتوس برآمد ہوئے ہیں۔ گرفتار ملزم کو آج، بدھ کے روز، کلیانی سب ڈویڑنل عدالت میں پیش کیا گیا۔ پولیس تفتیش کی خاطر ملزم کو اپنی تحویل میں لینے کی درخواست کرے گی۔
گرفتار شخص کا نام سکانت رائے ہے، جو چاکدہ کے بشنو پور علاقے کا رہائشی ہے۔ ذرائع کے مطابق وہ اتر پردیش میں مٹھائی کی دکان چلاتا ہے اور انتخابات سے قبل اپنے گھر واپس آیا تھا۔ اس پر الزام ہے کہ وہ گزشتہ چند دنوں سے علاقے میں اسلحہ لے کر گھوم رہا تھا اور مقامی لوگوں کو ہراساں کر رہا تھا۔ پولیس نے خفیہ اطلاع ملنے پر منگل کی دیر رات بشنو پور کے ہاڑی پوکور علاقے میں چھاپہ مار کر اسے گرفتار کر لیا۔