نامزدگی کے وقت 4 گھنٹےتک مجھے پریشان کیا گیا،کیا میں انہیں چھوڑ دوں گی؟ ممتا بنرجی 

نامزدگی کے وقت 4 گھنٹے اسکروٹنی (جانچ) کر کے مجھے پریشان کیا گیا! کیا میں انہیں چھوڑ دوں گی؟ سوری (Suri) سے وزیر اعلیٰ ممتا بنرجی کے نئے الزامات۔

ممتا بنرجی نے پوچھا: "ووٹنگ کے دن اگر ہم جنگجو ہیں، تو کیا آپ میرے ساتھی بنیں گے؟” انہوں نے مزید کہا: "میری نامزدگی کی اسکروٹنی میں مجھے 4 گھنٹے تک جلا کر رکھ دیا۔ کیا میں انہیں چھوڑ دوں گی؟ آپ چھوڑ دیں تب بھی میں انہیں نہیں چھوڑوں گی۔

سوری کے جلسے میں ممتا نے کہا: "یہاں کوئی اور امیدوار نہیں، میں ہی امیدوار ہوں۔ اگر آپ ترنمول کی قیادت میں حکومت چاہتے ہیں تو 294 نشستوں پر میں ہی امیدوار ہوں۔ مودی جی کہہ رہے ہیں کہ وہ 294 نشستوں کے امیدوار ہیں۔ ٹھیک ہے، تو پھر آپ وزیر اعظم کا عہدہ چھوڑ دیں اور آ کر کہیں کہ میں بنگال کا وزیر اعلیٰ بنوں گا، مجھے 294 نشستوں پر ووٹ دیں۔ آپ ملک کے وزیر اعظم بنیں گے یا بنگال کے وزیر اعلیٰ؟ صاف بتا دیں۔ آپ تو بنگال میں ‘باہری’ (آو¿ٹ سائیڈر) ہیں۔انہوں نے مزید کہا: "تم لوگ 12 سال سے مجھے پریشان کر رہے ہو۔ پہلے سی پی ایم تھی، اب یہ لوگ روزانہ لوگوں کے حقوق چھین رہے ہیں۔ ‘من کی بات’ کے نام پر بچوں کا دماغ کھا رہے ہیں۔ ان کا مذہب زہر کا درخت ہے، لوگوں کے سروں میں زہر گھولنا ان کا کام ہے۔”

ملازمتوں کے حوالے سے وزیر اعلیٰ نے مودی حکومت کو نشانہ بناتے ہوئے کہا: "مودی بابو سے پوچھیں کہ روزگار کا کیا ہوا؟ آپ کے بھی تو 12 سال ہو گئے، وہ 2 کروڑ نوکریاں کہاں گئیں؟ جب ہم یہاں خالی آسامیاں پر کرنے جاتے ہیں تو یہ لوگ کورٹ میں کیس کر دیتے ہیں تاکہ نوکریاں رک جائیں۔ اب نوکریوں کی باتیں کرنا محض دھوکہ ہے۔

انہوں نے بی جے پی کو نشانہ بناتے ہوئے کہا کہ جو لوگ بنگلہ بولنے والوں کو مارتے ہیں، وہ یہاں کس منہ سے ووٹ مانگتے ہیں؟ انہوں نے ایس آئی آر (SIR) کو ایک ‘بڑا گھوٹالہ’ قرار دیتے ہوئے اسے ووٹر لسٹ سے نام کاٹنے کی سازش قرار دیا۔یوپی کے وزیر اعلیٰ یوگی آدتیہ ناتھ پر طنز کرتے ہوئے ممتا نے کہا: "کل کسی نے کہا ہے کہ یہاں اتر پردیش کی طرح بلڈوزر چلے گا۔ اس کا کیا مطلب ہے؟ میں بلڈوزر کی سیاست پر یقین نہیں رکھتی، میں محبت کی پالیسی پر یقین رکھتی ہوں۔” آخر میں انہوں نے لوگوں کو خبردار کیا کہ بی جے پی سے پیسے نہ لیں، کیونکہ وہ اکاو¿نٹ بنا کر کالا دھن ڈال سکتے ہیں اور بعد میں آپ کو ای ڈی (ED) اور سی بی آئی (CBI) کے مقدمات کا سامنا کرنا پڑ سکتا ہے۔