کولکاتاپولس نے کرسمس کے موقع پر ٹریفک میں بڑا پھیر بدل 

کولکتہ پولیس نے کرسمس کے موقع پر پارک اسٹریٹ اور ملحقہ علاقوں میں ہجوم کو منظم کرنے اور ٹریفک کی روانی برقرار رکھنے کے لیے خصوصی ہدایات جاری کی ہیں۔24 دسمبر (بدھ) شام 4 بجے سے 25 دسمبر (جمعرات) صبح 4 بجے تک پارک اسٹریٹ پر عام گاڑیوں کی آمد و رفت کو کنٹرول کیا جائے گا۔اسی دوران پارک اسٹریٹ اور میدان (Maidan) کی طرف جانے والی تمام مال بردار گاڑیوں (Goods Vehicles) کا داخلہ بند رہے گا۔25 دسمبر کو دوبارہ شام 4 بجے سے یہ پابندیاں نافذ ہوں گی، جن کا فیصلہ ٹریفک کی صورتحال کو دیکھتے ہوئے ڈی سی (ٹریفک) کریں گے۔ہجوم سے بچنے کے لیے درج ذیل سڑکوں کو یکطرفہ (ون وے) قرار دیا گیا ہے۔جواہر لعل نہرو روڈ اور اے جے سی بوس روڈ کے درمیان گاڑیاں صرف مشرق سے مغرب کی طرف چلیں گی۔گاڑیاں صرف مغرب سے مشرق کی طرف چلیں گی۔کیمک اسٹریٹ اور جے ایل نہرو روڈ کے درمیان ٹریفک مشرق سے مغرب کی طرف یکطرفہ رہے گا۔ گاڑیاں صرف جنوب سے شمال کی طرف چل سکیں گی۔پارک اسٹریٹ اور اے جے سی بوس روڈ کے درمیان ٹریفک شمال سے جنوب کی طرف چلے گا۔روئیڈ اسٹریٹ (Royd Street) اور فری اسکول اسٹریٹ کراسنگ سے پارک اسٹریٹ کی طرف کسی گاڑی کو جانے کی اجازت نہیں ہوگی۔پارک اسٹریٹ اور رسل اسٹریٹ کراسنگ سے رسل اسٹریٹ میں داخل ہوتے وقت دائیں جانب مڑنا (Right Turn) سختی سے منع ہے۔اے جے سی بوس روڈ (شمال کی طرف)، اسٹرینڈ روڈ (مشرق کی طرف) اور دھرم تلا کے قریب جنوب کی طرف جانے والی سڑکوں پر ضرورت کے مطابق ٹریفک کو دوسرے راستوں پر موڑا (Divert کیا) جا سکتا ہے۔

ٹریفک جام سے بچنے کے لیے کئی سڑکوں کو ‘نو پارکنگ زون’ قرار دیا گیا ہے۔ لال بازار (پولیس ہیڈ کوارٹر) نے واضح کیا ہے کہ پارک اسٹریٹ اور اس کے قریبی علاقوں میں کسی بھی قسم کی پارکنگ کی اجازت نہیں دی جائے گی۔کولکتہ پولیس نے کرسمس کے پرامن انعقاد اور عوام کی حفاظت کے لیے غیر معمولی تیاریاں کی ہیں اور کسی بھی ناخوشگوار واقعے کو روکنے کے لیے اضافی پولیس فورس تعینات رہے گی۔