ووٹ میں ہارتے ہی بھیڑ غائب، سبنگ میں مانس بھوئیاں کا گھر ‘سنسان

کچھ دنوں پہلے تک گھر کے سامنے بھیڑ لگی رہتی تھی۔ اور بھیڑ کی وجہ سے اکثر گھر سے نکلنے میں تاخیر ہو جاتی تھی۔ بیشتر پروگراموں میں مقررہ وقت سے دیر سے پہنچتے تھے۔ اور اب صرف خاموشی ہے۔ سابق ایم ایل اے اور وزیر مانس بھوئیاں کا گھر سنسان پڑا ہے۔ دراصل، اسمبلی انتخابات میں شکست کے بعد مانس بھوئیاں کے گھر کے سامنے سے جانی پہچانی تصویر غائب ہو گئی ہے۔ انتخابات کے نتائج کے اعلان کے بعد سے ہی مانس بھوئیاں کو علاقے میں نہیں دیکھا جا رہا ہے۔ اپنے ایک زمانے کے سایہ دار ساتھی اور بی جے پی کے امیدوار امل کمار پانڈا سے شکست کھانے کے بعد سے وہ سیاسی سرگرمیوں سے کافی دور چلے گئے ہیں۔
مغربی مدنی پور کے سبنگ تھانے کے دیبھوگ گرام پنچایت کے بھکینی-نیشچنتی پور میں مانس بھوئیاں کے گھر پر ابھی کچھ دنوں پہلے تک صبح سے لے کر رات تک رہنماو¿ں، کارکنوں، مداحوں اور عام لوگوں کی بھیڑ لگی رہتی تھی۔ سیاسی بحث و مباحثے سے لے کر مختلف مسائل کے حل سمیت پارٹی میٹنگز، ہر چیز کا مرکز بھکینی-نیشچنتی پور کے دیہی ماحول میں درختوں کے درمیان واقع یہ بھوئیاں ہاو¿س ہی تھا۔ لیکن اب اس جانی پہچانی تصویر میں ایک بڑی تبدیلی آئی ہے، جو کہ کئی لوگوں کے لیے اجنبی معلوم ہو رہی ہے۔ اب گھر کے ارد گرد صرف خاموشی کا راج ہے۔ صبح کا وہ چہل پہل والا شور اور سیاسی مصروفیات اب نہیں رہیں۔ بس گرمیوں کی تپتی دوپہر میں پرندوں کی چہچہاہٹ ہے، جو کبھی کبھار سنائی دے جاتی ہے۔