سونے کے تاجر کو گولی مار کر بیگ چھین کر فرار ہوئے مجرم

پانچلا کے بعد اب جگت بالو پور۔ ایک بار پھر ہوڑہ میں سونے کے تاجر کو نشانہ بنا کر گولی چلائی! زیورات کا بیگ چھین کر مجرم فرار ہو گئے۔ شدید زخمی اس دکاندار کو ہسپتال لے جایا گیا۔ موقع پر جگت بالو پور تھانے کی پولیس موجود ہے۔ واقعے کی تفتیش شروع کر دی گئی ہے۔یہ واقعہ جگت بالو پور کے پاتِہال ہاٹتلا علاقے کا ہے۔ پولیس اور مقامی ذرائع کے مطابق، جمعہ کی رات تقریباً دس بجے سونے کا تاجر پلّب ساہا دکان بند کر کے گھر واپسی کے لیے موٹر سائیکل پر بیٹھ رہے تھے۔ اسی دوران موٹر سائیکل پر سوار چار مجرم ان کی دکان کے سامنے آئے۔ لمحہ بھر میں ہی خوفناک واقعہ پیش آیا۔ ایک مجرم موٹر سائیکل سے اترا اور دکان کے مالک کے پاو¿ں میں گولی چلا دی۔ وہ زمین پر گرتے ہی مجرم بیگ چھین کر فرار ہو گئے۔ تاجر کی چیخ پر مقامی رہائشی دوڑ کر آئے اور انہیں ہسپتال لے گئے۔ جگت بالو پور تھانے کو اطلاع دی گئی۔ پولیس پہنچ کر موقع سے ایک بندوق برآمد کر کے پوری علاقے میں تلاشی شروع کر دی۔