ٓابھیشیک بنرجی نے کبھی پرشانت کشور کواوور ریٹیڈ قرار دیا تھا

اگرچہ ترنمول رہنما کے بارے میں پی کے کا رویہ بہت بلند ہے۔ 2021 تک قریبی حلقوں میں پی کے کا قول تھا، ”کیا تمہیں لگتا ہے کہ مجھے ممتادی کو کچھ سکھانے کی ضرورت ہے؟ وہ یوں ہی اس مقام پر پہنچی ہیں؟ وہ تحریک کی رہنما ہیں۔ بعض جگہوں پر میں نے مشورے دیے ہیں۔ اگر پارٹی میں معمولی غلطیاں ہوتی ہیں تو ان کی نشاندہی کر دی جاتی ہے۔” لیکن پرشانت کشور کے بارے میں اس وقت پارٹی کے دوسرے نمبر کے رہنما ابھیشیک بنرجی کا خیال تھا کہ وہ ‘اوور ریٹیڈ’ ہیں۔ تقریباً ایک سال قبل انہوں نے یہ تبصرہ کیا تھا۔ کیا اسی وجہ سے بانکی پور کی جیت کے بعد بھی ممتا نے پرشانت کشور کو مبارکباد دینے کا حوصلہ نہیں دکھایا؟ یہ سوال اٹھ رہا ہے۔
دوسری جانب ممتا کی اس خاموشی کے پیچھے کچھ لوگ دیگر سیاسی حکمت عملی بھی دیکھ رہے ہیں۔ ان کے مطابق، کالی گھاٹ کی ترنمول اب پی کے یا آئی پیک کا ذکر نہیں کرنا چاہتی۔ ایسا کرنے سے مقدمات کا معاملہ دوبارہ اٹھ سکتا ہے اور ممتا کے کردار پر نئی بحث چھڑ سکتی ہے۔ ایک اور گروہ کا کہنا ہے کہ اگرچہ پی کے کی یہ جیت بی جے پی کے لیے دھچکا معلوم ہوتی ہے، لیکن درحقیقت انڈیا اتحاد ہی دباو¿ میں آ گیا ہے۔ کیا بی جے پی نے انڈیا اتحاد کو روکنے کے لیے بانکی پور سے نئی بنی جن سوراج پارٹی کے پرشانت کشور کو جیتنے میں مدد نہیں کی؟ تاکہ پرانے سیاسی دشمنوں کو کچلنا آسان ہو؟ ایسی صورت میں اتحاد کا فعال حصہ دار ہونے کے ناطے اگر ممتا بنرجی پی کے کو مبارکباد دیں تو انڈیا اتحاد اسے ہرگز پسند نہیں کرے گا۔