اب سالٹ لیک-نیو ٹاون-راجارہاٹ میں بھی چلے گی ٹرام! سروے شروع

نئی حکومت کے آنے کے بعد سے ہی کولکاتا کی سڑکوں پر ٹرام (Kolkata Tram) واپس لانے کے لیے کوششیں شروع کر دی گئی ہیں۔ ٹرانسپورٹ وزیر ارجن سنگھ نے کئی بار بتایا ہے کہ ٹرام کے حوالے سے نیا منصوبہ بنایا جا رہا ہے۔ کولکاتا ہی نہیں، بلکہ سالٹ لیک، نیو ٹاو¿ن اور راجارہاٹ میں بھی ٹرام لائنوں کی توسیع پر غور شروع ہو گیا ہے۔ اس سلسلے میں انہوں نے رائٹس (RITES) کو سروے کرانے کا ذکر کیا تھا۔
پیر سے ٹرام واپس لانے کے لیے رائٹس نے سروے شروع کر دیا۔ محکمہ ٹرانسپورٹ کی طرف سے سرکاری طور پر اس ادارے کو ذمہ داری سونپی گئی۔ رائٹس دو ماہ میں رپورٹ جمع کرائے گا۔ اس کے بعد منصوبہ بنایا جائے گا کہ کس طرح تلوتمہ (کولکاتا) میں پھر سے ٹرام دوڑے گی۔ محکمہ ٹرانسپورٹ کے ایک افسر کے مطابق، پورا منصوبہ رائٹس کی رپورٹ پر منحصر ہے۔ کن کن سڑکیں ٹرام چلانے کے لیے موزوں ہیں، اس کا جائزہ لیا جا رہا ہے۔ کئی مراحل میں یہ سروے کا کام جاری رہے گا۔