’دیگھا کے جگن ناتھ دھام اور مہاکال دھام کی طرح بنے گا بک تیرتھ ،بک فیئر کے افتتاح پر ممتا بنرجی کا بڑا اعلان۔

کولکاتا22جنوری بک فیئر حکام کی درخواست پر ردعمل دیتے ہوئے وزیر اعلیٰ ممتا بنرجی نے جمعرات کو کولکتہ انٹرنیشنل بک فیئر کی افتتاحی تقریب کے اسٹیج سے ایک بڑا اعلان کیا۔ انہوں نے کولکتہ کے سینٹرل پارک میں مستقل بنیادوں پر ‘بوی تیرتھ’ (کتب گاہ) تعمیر کرنے کا فیصلہ کیا ہے اور اس مقصد کے لیے بک فیئر اتھارٹی کو 10 کروڑ روپے دینے کا اعلان بھی کیا۔وزیر اعلیٰ نے بتایا کہ انہوں نے اس ‘بوی تیرتھ’ کا ایک ابتدائی خاکہ (اسکیچ) بھی تیار کیا ہے، جو مکمل طور پر کتابوں کے تھیم پر مبنی ہوگا۔ انہوں نے کہا:

"بک فیئر گراو¿نڈ اب مستقل ہو گیا ہے۔ یہ لوگ جگن ناتھ دھام اور مہاکال دھام کی طرح ایک ‘بوی تیرتھ’ بنانا چاہتے ہیں۔ میں نے ایک رف اسکیچ بنایا تھا لیکن مصروفیت کی وجہ سے اسے مکمل نہیں کر پائی۔ یہ جگہ مکمل طور پر کتابوں کے تصور پر مبنی ہوگی۔ 10 کروڑ روپے آپ کو مل جائیں گے۔ میں چاہتی ہوں کہ بک فیئر کی 50 ویں سالگرہ کے افتتاح پر ‘بوی تیرتھ’ تیار ملے تاکہ میں اسے دیکھ سکوں۔”ممتا بنرجی کی نئی کتابیں اور ایس آئی آر (SIR) پر تبصرہ کیا۔اپنی تخلیقی صلاحیتوں کا ذکر کرتے ہوئے وزیر اعلیٰ نے بتایا کہ اس سال بھی بک فیئر میں ان کی نئی کتابیں منظر عام پر آ رہی ہیں۔ ان کی اب تک تقریباً 153 کتابیں شائع ہو چکی ہیں اور اس سال مزید 9 کتابیں شامل ہوں گی، جس کے بعد کل تعداد 162 ہو جائے گی۔