قتل کی کوشش اور جنسی زیادتی کے الزام میں ترنمول رہنما گرفتار

پرناشری میں ایک کالی گھاٹ پنٹھی ترنمول رہنما کو پولیس نے گرفتار کر لیا۔ سابقہ ترنمول کونسلر سنہیتا داس کے شوہر انجن داس کو جمعہ کی رات گرفتار کیا گیا ہے۔ ان کے خلاف قتل کی کوشش اوجنسی زیادتی کے الزامات ہیں۔ ایک پرانے مقدمے میں پولیس نے کارروائی کی ہے۔
سنہیتا کلکتہ میونسپل کارپوریشن کے وارڈ کی کونسلر تھیں۔ اس کے علاوہ، وہ کارپوریشن کے بورو کی چیئرپرسن بھی رہ چکی ہیں۔ ریاست میں تبدیلی کے بعد میونسپل بورڈ توڑ دیے جانے کی وجہ سے انہوں نے اپنا عہدہ کھو دیا۔ ان کے شوہر انجن بھی ایک زمانے میں ترنمول کے کونسلر تھے۔ انتخابات میں پارٹی کی شکست کے باوجود انہوں نے کالی گھاٹ کیمپ کا ساتھ نہیں چھوڑا۔ معلوم ہوا ہے کہ رابندر نگر کے رہائشی ایک سوشانت گھوش کی شکایت کی بنیاد پر انجن کے خلاف مقدمہ درج کیا گیا تھا۔ ان کے علاوہ ملزمان کی فہرست میں بپلاب گھٹک، بھولا سرکار، سینٹو داس، ا±تپل دے، چتورنجن داس اور مرتیونجے داس شامل تھے۔ ان کے خلاف ابتدائی طور پر ہندوستانی تعزیرات قانون کی متعلقہ دفعات کے تحت کسی کام میں غیر قانونی رکاوٹ ڈالنے، جان بوجھ کر خطرناک ہتھیار سے چوٹ پہنچانے، دھمکی دینے اور جرم میں معاونت کے مقدمات درج کیے گئے تھے۔ اس مقدمے کی حتمی رپورٹ علی پور عدالت میں جمع کرائی گئی تھی۔ لیکن ۳۱ مئی کو شکایت کنندہ کی بیوی نے پرناشری تھانے میں نیا مقدمہ درج کرایا۔ اس مقدمے میں دوبارہ تحقیقات کے لیے عدالت میں درخواست دی گئی۔ سب انسپکٹر ک±نال باروئک کو تحقیقات کی ذمہ داری سونپی گئی۔ ہندوستانی شہری تحفظ قانون کی دفعہ ۱۸۳ کے تحت، شکایت کنندہ اور ان کی بیوی کا خفیہ بیان ریکارڈ کرنے کی درخواست پولیس نے کی۔ درخواست منظور ہونے پر ۸ جولائی کو یہ بیان ریکارڈ کیا گیا۔ اس کے فوراً بعد پرانے مقدمے میں شلتیلاہانی اور قتل کی کوشش کی دفعات شامل کر دی گئیں۔ اس کی بنیاد پر انجن کے خلاف کارروائی کی گئی۔