ترنمول کانگریس کے رہنما کے گھر پر اتر پردیش اے ٹی ایس کے چھاپے 

مدرسہ بنانے کے نام پر کروڑوں روپے کا غبن کرنے اوردہشت گردی کا رابطہرکھنے کے الزام میں حسن آباد کے رامیشور پور میں اتر پردیش پولیس کی انسداد دہشت گردی اسکواڈ (اے ٹی ایس) نے چھاپہ مارا۔ مرکزی سیکیورٹی فورسز کی گھیرابند میں تری نامول کانگریس کے رہنما عبد اللہ غازی کے گھر تلاشی جاری ہے۔ الزام ہے کہ رامیشور پور علاقے میں مدرسہ بنانے کے نام پر بیرون ممالک سے بڑی رقم اس رہنما کے اکاو¿نٹ میں آئی ہے۔ اس سلسلے میں معلومات ملنے کے بعد جمعرات کی صبح اے ٹی ایس کے افسران نے اس تری نامول رہنما کے گھر چھاپہ مارا۔

معلوم ہوا ہے کہ اسی الزام میں دو سال پہلے بھی اتر پردیش اے ٹی ایس نے عبد اللہ غازی کو گرفتار کیا تھا۔ اس مقدمے کی تحقیقات ابھی تک جاری ہیں۔ بتایا جا رہا ہے کہ تفتیش کاروں کو کچھ نئی معلومات ملی ہیں۔ اسی حوالے سے ملزم تری نامول رہنما سے پوچھ گچھ کرنے کے لیے اے ٹی ایس کے افسران نے ان کے گھر چھاپہ مارا۔ پوری علاقے کو مرکزی فورسز کے جوانوں نے گھیرے میں لے لیا۔ سیکیورٹی کی گھیرابند میں عبد اللہ کے گھر تلاشی جاری ہے۔ تری نامول رہنما سے بھی پوچھ گچھ کی جا رہی ہے۔ الزام ہے کہ غیر ملکی امداد کے نام پر کروڑوں روپے جمع کیے گئے، لیکن اس رقم کے استعمال پر متعدد سوالات اٹھ رہے ہیں۔ تفتیش کار ذرائع کا دعویٰ ہے کہ مالی لین دین، امداد کے ذرائع اور متعلقہ دستاویزات کی جانچ پڑتال کے لیے یہ کارروائی کی گئی ہے۔ تاہم اے ٹی ایس کی طرف سے اب تک سرکاری طور پر کوئی اطلاع نہیں دی گئی ہے۔